Iqtisodiyot | 21:25 / 20.07.2025
3602
2 daqiqa o‘qiladi

Dang‘arada Tojikiston bilan birgalikda 10 million dollarlik sim zavodi qurilmoqda

Loyiha doirasida  Dang‘arada mis va alyumin simlar ishlab chiqariladi va 10 million dollarlik to‘g‘ridan to‘g‘ri investitsiya hisobiga amalga oshiriladi. 

Dang‘ara tumanida mis va alyumin simlar ishlab chiqarish loyihasi amalga oshirilmoqda. Bu haqda Farg‘ona viloyati matbuot xizmati xabar berdi

Ma’lum qilinishicha, 18 iyul kuni viloyat hokimi Xayrullo Bozorov tojikistonlik investor Shuxradjon Ashurmatov va uning farg‘onalik hamkori Fotima Imomovani qabul qilgan. 

Muloqotda Dang‘ara tumanida “Osiyo kabellari” MChJ tomonidan amalga oshirilayotgan mis va alyumin simlar ishlab chiqarish loyihasi muhokama qilingan. 

“Loyiha to‘g‘ridan to‘g‘ri 10 million dollar miqdoridagi xorijiy investitsiya hisobiga moliyalashtirilayotgan bo‘lib, uni amalga oshirish natijasida 100 ta yangi ish o‘rni yaratilishi rejalashtirilgan. Uchrashuv davomida loyiha ishlarini jadallashtirish, muhandislik-kommunikatsiya infratuzilmalari bilan bog‘liq masalalar muhokama qilindi”, – deyiladi rasmiy xabarda. 

Viloyat hokimi loyihani qo‘llab-quvvatlab, amaliy yordam ko‘rsatilishini ma’lum qilgan.

Mavzuga oid