Parkentda yiliga 20 ming sayyohni qabul qiladigan turistik majmua ochiladi

Ma’lum qilinishicha, mazkur loyiha nafaqat tabiatni sevuvchilar, balki milliy madaniyat va gastronomiyani qadrlovchilar uchun diqqatga sazovor manzil bo‘ladi. Xususan, bu yerda zamonaviy mehmonxona, milliy taomlar restorani, degustatsiya zali va eng qiziqarlisi — qadimiy Markaziy Osiyo an’analarini aks ettirgan, biroq zamonaviy qulayliklarga ega o‘tovlar quriladi.

Shuningdek, bir vaqtning o‘zida 1000 kishidan ortiq mehmonni qabul qilish imkoniyatiga ega bo‘lgan ommaviy tadbirlar o‘tkaziladigan maydonlar bo‘ladi. Rejaga ko‘ra, kelajakda MSA Resort yiliga taxminan 20 ming sayyohni qabul qiladigan majmuaga aylantiriladi.

Majmuada uzumchilikning noyob va ko‘p asrlik an’analarini asrab-avaylashga alohida e’tibor qaratiladi. 350 dan ortiq yangi ish o‘rni yaratilishi reja qilingan.