Rossiyaning tungi hujumlari: Odessadagi tug‘uruqxonaga dron urildi

10 iyun, seshanbaga o‘tar kechasi Rossiya qo‘shinlari Ukraina shaharlariga hujumkor dronlardan foydalangan holda navbatdagi yirik hujumni amalga oshirdi. Mamlakatning aksariyat hududlarida havo hujumi sirenalari eshitildi, Odessa va Kiyev rasmiylari esa bir necha «uchib kelishlar» haqida xabar berdi.

Odessada qulagan dron mahalliy tug‘uruqxonalardan birining ma’muriy binosiga zarar yetkazdi, deb xabar berdi shahar meri Gennadiy Truxanov. Hodisa oqibatida jabrlanganlar yo‘q.

Yana bir dron tibbiy yordam punktiga urilib, yong‘inga sabab bo‘ldi. Favqulodda vaziyatlar xizmatlari ma’lumotlariga ko‘ra, bino, shuningdek, yaqin atrofda turgan tez yordam mashinalari jiddiy zarar ko‘rgan. Xodimlar jabrlanmagan.

Shu bilan birga, yana bir qancha UUA shahar ichidagi turar joy binolariga, jumladan, ko‘p qavatli uylarga ham urilgan. Bu yong‘in va vayronalarga olib keldi. Ana shunday «uchib kelish»lardan biri natijasida bir fuqaro halok bo‘ldi, yana uch nafari yaralandi.