O‘zbekiston | 16:37 / 29.05.2025
3344
1 daqiqa o‘qiladi

Sherzod Asadov Rossiya prezidenti matbuot kotibi bilan uchrashdi

Uchrashuvda axborot sohasidagi hamkorlik va soha uchun mutaxassislar tayyorlashning dolzarb masalalari va istiqbollari muhokama qilindi.

Foto: Prezident matbuot xizmati

O‘zbekiston prezidenti matbuot kotibi Sherzod Asadov Rossiya prezidenti matbuot kotibi Dmitriy Peskov bilan uchrashdi.

Uchrashuvda axborot sohasidagi hamkorlik va soha uchun mutaxassislar tayyorlashning dolzarb masalalari va istiqbollari muhokama qilindi.

«Davlatlarimiz rahbarlarining matbuot xizmatlari faoliyatini muvofiqlashtirish, professional tajriba va strategik kommunikatsiyalarga doir yondashuvlar almashish masalalariga alohida e’tibor qaratildi. Tez o‘zgaruvchan media muhit va raqamli platformalar ahamiyati ortib borayotgan sharoitda xodimlarning malakasini oshirish muhimligi ta’kidlandi.

Shuningdek, kelgusidagi ayrim rejalar, shu jumladan axborot siyosati va ikki tomonlama kun tartibini media jihatidan qo‘llab-quvvatlash bo‘yicha qo‘shma loyihalarni ishga tushirish masalalari ko‘rib chiqildi. Ochiq muloqot, professional hamkorlik va sheriklik aloqalarini mustahkamlashga intilish mushtarak ekani tasdiqlandi», deb yozdi Asadov uchrashuv haqida.

Mavzuga oid