Liverpulda haydovchi mashinasini futbol ishqibozlari ustiga haydadi

Liverpul shahrida avtomobil Angliya Premer-ligasida g‘alaba qozongan «Liverpul» klubi sharafiga tashkil etilgan paradga yig‘ilgan futbol ishqibozlarini bosib ketdi. Mashina haydovchisi qo‘lga olindi, deb yozadi BBC News.

Hozircha haydovchi buni nima sababdan amalga oshirgani va qurbonlar soni bo‘yicha rasmiy ma’lumot berilmadi. BBC kamida uch kishi jarohat olgani haqida yozmoqda. Halok bo‘lganlar to‘g‘risida ham hozircha hech narsa ma’lum emas.

Paradni derazadan turib kuzatgan guvohning Sky News’ga ma’lum qilishicha, yuz bergan voqeadan keyin parad ishtirokchilari mashinani ta’qib qilishni boshlagan, biroq politsiyachilar ularni orqaga chetlatgan.

«Liverpul» joriy mavsumda Premer-ligada muddatidan oldin g‘olib bo‘ldi — bu klubning 20-g‘alabasi hisoblanadi. Klub Angliya oliy futbol divizionida 2020 yildan beri birinchi marta chempion bo‘lmoqda. 25 may kuni jamoani taqdirlash marosimi bo‘lib o‘tgandi.

Eslatib o‘tamiz, joriy yilning fevralida Myunxenda Mini Cooper rusumli avtomobil ish tashlagan bir guruh ishchilarni urib yuborgan va hodisa oqibatida kamida 28 kishi jabrlangan edi.