Germaniyalik er-xotin yo‘qolgan mushugini qidirishga 22 ming dollar sarfladi
Ular qariyb bir yildan beri har dam olish kunlari 450 km yo‘l bosib, mushuk yo‘qolgan hududga plakatlar ilib chiqmoqda.

Foto: The Times
Germaniyalik er-xotin Rafal va Monika Klaynshmit o‘zlarining yo‘qolib qolgan mushugini qidirishga 22 ming dollardan ortiq pul sarfladi, deb yozadi The Times.
Qayd etilishicha, Nero laqabli mushuk 2024 yilning iyulida, Rafal va Monika dam olishga ketishni rejalashtirayotganida uydan qochib ketgan. «Rafiqam bilan ta’tilni Kimgauda o‘tkazmoqchi edim. U o‘sha yerdagi reabilitatsiya markazida edi. Men Erlangendagi mehmonxonaga to‘xtadim. Keyin esa Nero o‘zining transport qutisidan sakrab tushib, qochib ketdi», — deydi erkak.
Shundan so‘ng er-xotin mushukni topish uchun qo‘llaridan kelgan barcha ishni amalga oshirgan. Xususan, ular har dam olish kunlari 450 kilometr yo‘l bosib, mushukning rasmi tushirilgan plakatlarni ilib chiqadi va Neroning e’tiborini tortish uchun u yaxshi ko‘rgan tunets balig‘ini xarid qiladi.
Ta’kidlanishicha, uy hayvonini qidirish jarayonida er-xotin benzin, mehmonxonalarda yashash, maxsus kamera va ovqatlar xarid qilishga umumiy hisobda 22 ming dollar sarflagan.
Qidiruv ishlari natija bermayotganiga qaramay, Rafal va Monika umidlarini yo‘qotmagan. Buning ustiga mushuk chiplangan, shu bois volontyor yoki shunchaki befarq bo‘lmagan odamlar yordamida uning qayerda ekani istalgan vaqtda ma’lum bo‘lib qolishi mumkin. «U men uchun muhim ahamiyatga ega. U oilamiz do‘sti va a’zosi. Va sen do‘stlaringni tashlab ketmaysan. Men taslim bo‘lmayman. Men uning hali ham tirikligiga ishonaman», — deydi Rafal.
Mavzuga oid

14:16 / 19.06.2025
Germaniya TIV rahbari Eron bilan urush kengayishi xavfi haqida ogohlantirdi

12:56 / 18.06.2025
Mers: Isroil biz uchun Eronda og‘ir ishni qilyapti

13:55 / 17.06.2025
Germaniya Isroil va Erondan 5 ming kishini evakuatsiya qilishga tayyorlanmoqda

13:36 / 17.06.2025