Bombardiro Krokodilo - Qozog‘istonda SI multfilmlari xavfli deb e’lon qilindi
Bombardiro Krokodilo, Tralalero Tralala va boshqa personajlar ijtimoiy tarmoqlarda mashhur bo‘ldi. Qozog‘iston Ta’lim vazirligi ularning bolalar uchun xavfli ekanini ta’kidlamoqda.

Foto: YouTube
Qozog‘iston Ta’lim vazirligining Bolalar huquqlarini himoya qilish qo‘mitasi «buzg‘unchi ma’lumot tarqatuvchi» multfilmlarning bolalar uchun xavfli ekani haqida bayonot berdi, deb yozdi Informburo.
Bombardiro Krokodilo, Tralalero Tralala va boshqa personajlar ijtimoiy tarmoqlarda mashhur bo‘ldi. Ular ishtirokidagi videolar millionlab tomosha va «layk» yig‘moqda. Qahramonlar sun’iy intellekt tomonidan yaratilgan va italyan tilida aytilgan. Yaqinda tarmoq foydalanuvchilari videolarni tarjima qilishga qaror qildi va hayratda qoldi. Ularning so‘zlariga ko‘ra, Bombardiro Krokodilo «uchib yuruvchi timsoh» bo‘lib, «G‘azo va Falastindagi bolalarni bombardimon qiladi». Qolaversa, «qahramonlarning ta’riflarida behayo so‘zlar va Xudoga nisbatan haqoratlar mavjud».
«Bolalar huquqlarini himoya qilish qo‘mitasi tashqi ko‘rinishida bolalar kontenti sifatida yaratilgan, lekin yashirin buzg‘unchi ma’nolarni o‘z ichiga olgan multfilmlarning internetda tarqatilishidan xavotir bildiradi. Zararsiz videolar niqobi ostida bolalar tashvish uyg‘otuvchi, tajovuzni qo‘zg‘atuvchi va asosiy ma’naviy qadriyatlarga putur yetkazuvchi tasvirlarni ko‘rishga majbur bo‘lmoqda», deyiladi xabarda.
Shu munosabat bilan Bolalar huquqlarini himoya qilish qo‘mitasi normativ-huquqiy bazani zamonaviy raqamli voqelikni hisobga olgan holda takomillashtirish bo‘yicha takliflar tayyorlamoqda. Tegishli xatlar keyinchalik qayta ishlash uchun Madaniyat va axborot vazirligi hamda Ichki ishlar vazirligiga yuboriladi.
«Farzandlaringiz nima tomosha qilayotgani, kimlar bilan muloqot qilayotgani va internetda qanday mavzularni muhokama qilayotganiga ayniqsa e’tiborli bo‘lishingizni so‘raymiz. Farzandingiz bilan muntazam suhbatlashing, uning tanqidiy fikrlashi va zararli ma’lumotlarga qarshilik ko‘rsatishni rivojlantiring. Agar shubhali kontentni aniqlasangiz, darhol tegishli organlarga xabar bering. Sizning ishtirokingiz farzandingizning raqamli muhitda xavfsizligini ta’minlashning asosiy omilidir», deyiladi Ta’lim vazirligi xabarida.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
O‘zbekistonda davlat xizmatchilarining ijtimoiy tarmoqdagi sahifalari bo‘yicha ma’lumotlar bazasi to‘planadi
O‘zbekiston | 15:41
-
Hisorak suv omboridan Qarshi shahrigacha ichimlik suv tarmog‘i tortiladi
O‘zbekiston | 15:37
-
Prezident Kitobdagi oltin konini auksion asosida tadbirkorlarga berish bo‘yicha topshiriq berdi
O‘zbekiston | 15:31
-
O‘zbekiston islomshunoslik akademiyasi Abdulloh II nomidagi mukofot bilan taqdirlandi
O‘zbekiston | 15:17
Mavzuga oid

14:55
O‘zbekistonda sun’iy intellekt asosida yo‘l harakatini boshqarish tizimi joriy etilishi mumkin

23:25 / 19.06.2025
Qozog‘istonda elektr ta’minoti uzilgani O‘zbekistonga ham ta’sir qildi

23:24 / 17.06.2025
To‘qayev Mirziyoyevni O‘zbekiston 2026 yilgi jahon chempionatiga chiqqani bilan tabrikladi

20:36 / 17.06.2025