Italiya 400 ta foydalanishdan chiqarilgan zirhli transportyorini Ukrainaga beradi

Il Messaggero va Defence Express xabarlariga ko‘ra, Rim Kiyevga 11-harbiy yordam paketi doirasida 400 ga yaqin foydalanishdan chiqarilgan VCC-2 Camilino zirhli transportyorlarini yuboradi.

Foto: Aleksandr Ratushnyak / Reuters

Italiya Ukrainaga 400 ga yaqin M113 bronetransportyorlarini (BTR) topshiradi. Bu haqda Italiyaning Il Messaggero gazetasi xabar berdi. Ukrainaning Defence Express harbiy portali 18 may, yakshanba kuni aniqlik kiritishicha, bu VCC-2 Camilino modeli bo‘lib, u Amerikaning M113 zirhli transportyorining M113A1 rusumli modernizatsiyasidir.

Texnikalarni topshirish Italiya mudofaa vaziri Gvido Krosetto boshchiligidagi mudofaa vazirligi tomonidan tayyorlangan Ukrainaga harbiy yordamning 11-paketi doirasida amalga oshirilishi kutilmoqda.

VCC-2 Camilino yon tomonlarda qo‘shimcha himoya va ochiq minoraga ega bo‘ldi, dedi Defence Express mutaxassislari.

Italiyada 1200 tagacha M113 BTR VCC-2 Camilino versiyasiga yangilanishi mumkin. Defence Express portali ma’lum qilishicha, texnikalar ma’lum vaqtdan beri xizmat ko‘rsatmaydi — ular to‘rt yil oldin foydalanishdan chiqarilgan, 478 tasi omborda qolgan. Shunday qilib, Rim, ehtimol, Kiyevga zaxirada bo‘lgan ushbu modifikatsiyadagi deyarli barcha zirhli transport vositalarini yuboradi.

#Ukraina #Italiya #BTR