Medinskiy Ukraina bilan to‘g‘ridan to‘g‘ri muzokaralardagi vazifani aytdi
Rossiya delegatsiyasi rahbarining so‘zlariga ko‘ra, Istanbuldagi muzokaralardan maqsad Ukrainada uzoq muddatli tinchlikka erishishdir. Medinskiy Istanbul muzokaralarini «2022 yilda boshlangan tinchlik jarayonining davomi» deb bilishini aytdi.

Foto: TASS
Ukraina bilan muzokaralardagi Rossiya delegatsiyasi rahbari Vladimir Medinskiyning ta’kidlashicha, Rossiyaning Ukraina bilan Istanbulda to‘g‘ridan to‘g‘ri muzokaralar o‘tkazishdagi vazifasi ertami-kechmi «mojaroning asosiy sabablarini bartaraf etish orqali uzoq muddatli tinchlikka» erishishdir. 15 may, payshanba kuni Istanbulda matbuotga bergan bayonotida Medinskiy Rossiya delegatsiyasi «konstruktiv yondashuv, ehtimoliy yechimlar va aloqa nuqtalarini topish tarafdori» ekanini ta’kidladi.
Uning ta’kidlashicha, Rossiya delegatsiyasi Istanbuldagi joriy muzokaralarni «2022 yilda to‘xtatilgan tinchlik jarayonining davomi» deb hisoblaydi. «Biz bu muzokaralarni Istanbuldagi tinchlik jarayonining davomi deb bilamiz, afsuski, uch yil avval Ukraina tomoni uni to‘xtatib qo‘ygan. Bizning rasmiy delegatsiyamiz prezident farmoni bilan tasdiqlangan va u muzokaralar olib borish uchun barcha zarur vakolatlarga ega», — dedi Medinskiy.
Ukraina prezidenti Volodimir Zelenskiy mudofaa vaziri Rustem Umerov boshchiligidagi delegatsiyani muzokaralar uchun Istanbulga yubordi. Avvalroq u Turkiyaga tashrif buyurgan delegatsiya tarkibiga Ukraina Tashqi ishlar vazirligi rahbari Andrey Sibiga, Prezident devoni rahbari Andrey Yermak, Ukraina Qurolli kuchlari Bosh shtabi boshlig‘i Andrey Gnatov, Ukraina Xavfsizlik xizmati rahbari Vasil Malyuk va barcha razvedka idoralari vakillari ham kiritilgani haqida xabar bergan edi.
Zelenskiyning so‘zlariga ko‘ra, Istanbuldagi muzokaralarning asosiy maqsadi o‘t ochishni to‘xtatish bo‘lib, Ukraina delegatsiyasi buni muhokama qilish mandatiga ega. Muzokarachilar guruhi 16 may kuni Turkiyada bo‘ladi hamda AQSh vakillari bilan ham uchrashadi, deya qo‘shimcha qildi u.
Tavsiya etamiz
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
So‘nggi yangiliklar
-
Rossiya deyarli barcha demografik statistikani maxfiylashtirdi
Jahon | 23:25 / 05.07.2025
-
O‘zbekiston, Ozarboyjon va Qozog‘iston «yashil energiya» yo‘lagi bo‘yicha qo‘shma korxona tashkil etdi
Iqtisodiyot | 23:07 / 05.07.2025
-
Buyuk Britaniya Suriya bilan diplomatik munosabatlarni tikladi
Jahon | 22:45 / 05.07.2025
-
Toshkentda tilanchilik bilan shug‘ullangan 70 kishiga ma’muriy qamoq jazosi tayinlandi
Jamiyat | 22:35 / 05.07.2025
Mavzuga oid

11:11 / 30.05.2025
Kreml Medinskiyni yana Ukraina bilan muzokaralarga jo‘natadi

21:26 / 28.05.2025
Rossiya Ukrainaga yangi uchrashuv sanasi va vaqtini taklif qildi - Medinskiy

19:39 / 16.05.2025
The Economist: Rossiya muzokaralar vaqtida Xarkiv va Sumi oblastlarini bosib olish bilan tahdid qilgan

20:40 / 15.05.2025