Shveytsariyada qo‘shnisining mushugiga ovqat bergan ayol sud qilinmoqda

Shveytsariyada 68 yoshli ayol qo‘shnisining mushugiga ovqat bergani uchun sud qilinadi. Mamlakat qonunlariga ko‘ra, o‘zgalarning uy hayvonini muntazam ravishda boqish jinoyat hisoblanadi, deb yozmoqda Swissinfo.

Qayd etilishicha, ayol 10 oyga yaqin doimiy ravishda qo‘shnisining Leo laqabli mushugiga ovqat berib kelgan va uni o‘z kvartirasiga olib kirgan. U hatto mushuk mustaqil ravishda bemalol kirib-chiqishi uchun maxsus eshik ham o‘rnattirgan.

Mushukning egalari ayoldan bir necha bor unga ovqat bermaslikni so‘ragan. Ammo Leo o‘z uyiga kam kelishni davom etgan, keyinchalik esa umuman kelmay qo‘ygan. Shu bois hayvonning egalari ayolni o‘z mushugini noqonuniy ravishda egallab olishda ayblagan.

Tsyurix prokuraturasi nafaqadagi ayolga nisbatan 3,6 ming Shveytsariya franki (4,3 ming dollar) miqdorida jarima belgilashni, shuningdek, qo‘shimcha 800 frank undirishni so‘ragan. Ayol idora qaroriga rozi bo‘lmagan va ish sudga oshirilgan.

Shveytsariyada hayvonlar shaxsiy mulk sifatida e’tirof etiladi. Shuning uchun o‘zgalarning uy hayvonlarini muntazam oziqlantirish mumkin emas, aks holda jarima yoki boshqa jazoga tortilish mumkin.