Grin-karta javoblari 3 may kuni chiqadi

Natijalarni Toshkent vaqti bilan 2025 yil 3 may soat 21:00 dan boshlab dasturning rasmiy sayti – dvprogram.state.gov orqali tekshirish mumkin bo‘ladi.

Ochiq manbalardan olingan surat

AQShning Xilma-xillik viza dasturiga 2026 yil uchun berilgan arizalar (DV-2026) javoblari 2025 yil 3 may kuni e’lon qilinadi.

Arizachilar shu kuni Toshkent vaqti bilan soat 21:00 dan boshlab dasturning rasmiy sayti – dvprogramm.state.gov orqali natijani tekshirishlari mumkin.

Arizalar o‘tgan yili 2 oktyabrdan 7 noyabrgacha qabul qilingandi.

Xilma-xillik viza dasturi – AQShga immigratsiya ko‘rsatkichlari tarixan kam bo‘lgan xalqlar vakillariga Amerikaga ko‘chib borib yashash imkoniyatini beradi.

Ko‘plab millatlar qatori, har yili millionlab o‘zbeklar ham bu dasturda qatnashadi.

Avvalroq AQSh ma’muriyati noqonuniy muhojirlarni chiqarib yuborishdagi hamkorligi uchun O‘zbekistonni boshqa mamlakatlarga namuna qilib ko‘rsatgandi.

#AQSh #grin-karta