Madaniyat muassasalari xodimlarining maoshlari miqdori qayta ko‘rib chiqiladi

Vazirlar Mahkamasining «O‘zbekiston Respublikasi Vazirlar Mahkamasining «Davlat madaniyat muassasalari va davlat arxivlari xodimlari mehnatiga haq to‘lash va ularni moddiy rag‘batlantirishning takomillashtirilgan tizimini tasdiqlash haqida»gi qaroriga o‘zgartirish va qo‘shimchalar kiritish to‘g‘risida»gi qarori qabul qilindi.

Hujjat bilan quyidagi lavozimlar uchun mehnatga haq to‘lashning bazaviy lavozim maoshlariga oshirilgan koeffitsiyentlar tasdiqlandi:

• teatr va sirklarning ma’muriy-boshqaruv va badiiy-rahbar xodimlari;
• teatrlarning artist xodimlari;
• teatr-konsert saroylarining ma’muriy-boshqaruv va badiiy-rahbar xodimlari;
• konsert tashkilotlari, musiqa, raqs jamoalari va sirklarning artist xodimlari;
• muzeylar xodimlari;
• madaniyat markazlari xodimlari va boshqalar.

Belgilangan koeffitsiyentlar 2025 yil 1 yanvardan va 2025 yil 1 iyuldan boshlab qo‘llanadi.