Sudlar faoliyatini moliyalashtirish to‘g‘risida qonun ishlab chiqildi
"O‘zbekiston Respublikasida sudlar faoliyatini moliyalashtirish to‘g‘risida"gi qonun loyihasi e’lon qilindi.
Qonunning maqsadi sudlar faoliyatini moliyalashtirish sohasidagi munosabatlarni tartibga solishdan iborat.
O‘zbekistonning har yilgi davlat budjeti to‘g‘risidagi qonunda Konstitutsiyaviy sud, Sudyalar oliy kengashi, Oliy sud, harbiy sudlar, Qoraqalpog‘iston Respublikasi, viloyatlar va Toshkent shahar umumyurisdiksiya sudlari, Qoraqalpog‘iston Respublikasi ma’muriy sudi, viloyatlar va Toshkent shahar ma’muriy sudlari, tumanlararo, tuman, shahar sudlari hamda Oliy sud huzuridagi Sudlar faoliyatini ta’minlash departamenti faoliyati uchun davlat budjetidan ajratiladigan mablag‘lar alohida satrda nazarda tutiladi.
Sudlar faoliyatini moliyalashtirish uchun ajratiladigan mablag‘lar miqdori odil sudlovni to‘liq va mustaqil amalga oshirish imkoniyatini ta’minlash uchun yetarli bo‘lishi shart.
Sudlarni moliyalashtirish, ularning binolarini qo‘riqlash va saqlab turish respublika budjeti mablag‘lari hisobidan amalga oshiriladi.
O‘zbekistonning har yilgi davlat budjeti to‘g‘risidagi qonunda sudyalarga (ularga tenglashtirilgan shaxslarga) va sud apparati xodimlariga har chorak yakuni bo‘yicha va rasmiy bayram kunlarida pul mukofotlari, shuningdek, mehnat ta’tili davomida bir oylik mehnat haqi fondi miqdorida moddiy yordam uchun ajratiladigan mablag‘lar hisobga olinadi.
Sudlarni joriy yilda moliyalashtirish uchun ajratiladigan yoki keyingi moliya yili uchun ajratilishi kerak bo‘lgan budjet mablag‘lari miqdorini 5 foizdan ortiq bo‘lmagan miqdorda kamaytirish faqat Oliy sudning roziligi bilan, 5 foizdan ortiq bo‘lgan miqdorda kamaytirish esa, O‘zbekiston sudyalari qurultoyining roziligi bilan amalga oshirilishi mumkin.
Ajratilgan mablag‘larni taqsimlash:
Qoraqalpog‘iston Respublikasi sudlari, viloyatlar va Toshkent shahar sudlari, Qoraqalpog‘iston Respublikasi ma’muriy sudi, viloyatlar va Toshkent shahar ma’muriy sudlari, tumanlararo, tuman, shahar sudlari va harbiy sudlar uchun – departament tomonidan;
Oliy sud uchun – Oliy sud tomonidan amalga oshiriladi.
O‘zbekistonning har yilgi davlat budjeti to‘g‘risidagi qonun bilan sudlar faoliyatini ta’minlash uchun ajratilgan mablag‘lar tegishli moliyaviy yil uchun qonun hujjatlariga muvofiq mustaqil ravishda tasarruf etiladi.
Tavsiya etamiz
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
So‘nggi yangiliklar
-
AKFA Group "AKFA Medline Social" nomli tibbiy startap qurilishini boshlanganini e’lon qildi
Jamiyat | 17:01
-
Isroil va Eron qarama-qarshiligi: voqealar rivojining eng yomon ssenariylari qanday?
Jahon | 16:36
-
Saudiya Arabistoni O‘zbekiston fuqarolari uchun onlayn viza berishni tikladi
O‘zbekiston | 16:33
-
So‘m dollarga nisbatan 4 kunda qariyb 1,6 foizga mustahkamlandi
Iqtisodiyot | 16:29
Mavzuga oid

18:44 / 14.06.2025
Sirdaryoda ikki bolani urib yuborgan haydovchi 8,5 yilga qamaldi

23:40 / 10.06.2025
300 ming dollar vasvasasi yoxud qotillik bilan tugagan sheriklik - suddan reportaj

10:23 / 10.06.2025
Fuqarolar huquqlarini sud orqali himoya qilish kafolati kuchaytiriladi

10:21 / 08.06.2025