Rossiyaning Kriviy Rihga raketa zarbasi oqibatida to‘rt kishi halok bo‘ldi
Kriviy Rih rasmiylari Rossiya raketa zarbasi nishoni shahardagi korxonalardan biri bo‘lganini xabar qildi. Shuningdek, kamida 14 kishi yaralangani xabar qilingan.

Foto: Telegram / dnipropetrovskaODA
Kriviy Rihda 2 aprel, chorshanba kuni Rossiyaning raketa zarbasi natijasida kamida to‘rt kishi halok bo‘ldi, yana kamida 14 nafar fuqaro jarohatlandi, deb xabar berdi Dnipropetrovsk oblasti harbiy ma’muriyati rahbari Sergey Lisak.
Dastlab 3 kishi — 29 yoshli ayol va 35 va 41 yoshli erkaklar yaralangani xabar qilingan. Ularning barchasi o‘rtacha og‘irlikda kasalxonaga yotqizilgan. Keyinchalik yaradorlar soni kamida 14 kishiga ko‘tarilib, raqam qayta ko‘rib chiqildi. Jabrlanganlar orasida 8 yoshli bola ham bor.
Kriviy Rih mudofaa kengashi rahbari Oleksandr Vilkulga ko‘ra, zarba fuqarolik infratuzilmasi obektiga ballistik raketa bilan berilgan. Aynan qaysi obekt haqida gap ketayotgani aniq aytilmagan. Bir qancha ko‘p qavatli turar joy binolari ham zarar ko‘rgan.
Kriviy Rih — Ukrainaning yirik sanoat markazi. Bu yerda bir qancha tog‘-kon, qayta ishlash va metallurgiya korxonalari joylashgan.
Bir kun oldin Rossiya qo‘shinlari Xarkivga uchuvchisiz uchoqlar bilan hujum qildi. Ukraina favqulodda vaziyatlar davlat xizmati ma’lumotlariga ko‘ra, dron ko‘p qavatli turar joy binosiga borib urilgan. Oqibatda besh kishi, jumladan, o‘n yoshli bola jarohatlangan.
Mavzuga oid

10:09 / 03.04.2025
Ukrainaga Rossiya tomonidan bosib olingan hududlardan yana 11 nafar bola qaytdi

09:00 / 03.04.2025
Rossiyada Tu-22M3 strategik raketa tashuvchi harbiy samolyot halokatga uchradi

21:57 / 02.04.2025
Rossiyada Ukraina bilan tinchlik muzokaralarini qo‘llab-quvvatlovchilar soni eng yuqori darajaga yetdi

20:47 / 27.03.2025