Apple va Stiv Jobsga bag‘ishlangan kimoshdi savdolari bo‘lib o‘tdi

Amerikaning RR Auction kimoshdi uyi noyob va to‘liq soz holatda bo‘lgan Apple-1 kompyuterini 375 ming dollarga sotdi, deb xabar beradi MacRumors portal.

Apple-1 bu — Apple asoschilari Stiv Jobs va Stiv Voznyak tomonidan yaratilgan va sotilgan shaxsiy kompyuter hisoblanadi. U 1976 yilda ishlab chiqarilgan kompyuterlarning birinchi avlodi bo‘lib, shaxsan Jobs tomonidan qo‘lga tushirilgan seriya raqamlari bilan ajralib turadi.

Qayd etilishicha, kimoshdiga qo‘yilgan kompyuter juda yaxshi holatda saqlangan va Appleʼning ilk xodimlaridan biri hisoblanuvchi Deniel Kottkening original qo‘llanmasi bilan qo‘shib sotilgan.

Stive Jobs and the Apple Revolution nomi ostida o‘tgan mazkur kimoshdi savdolari davomida Apple tarixiga bog‘liq boshqa noyob lotlar ham sotuvga qo‘yilgan. Ular orasida Jobsning imzosi tushirilgan 1976 yilgi chek — 112 ming dollarga, 4 gigabayt xotiraga ega birinchi avlod iPhone qurilmasi — 87,5 ming dollarga sotilgan.

Shuningdek, Apple Lisa kompyuteri 56,8 ming dollarga baholangan. Savdolar davomida jami 1 million 308 ming dollar to‘plangan.

Eslatib o‘tamiz, 2016 yilda birinchi Apple kompyuteri – Apple-1’ning prototipi auksionda 815 ming dollarga sotilgan edi.