Qoʻshimcha funksionallar
-
Tungi ko‘rinish
G7 Rossiyaga Ukrainada o‘t ochishni to‘xtatishdan bosh torsa, sanksiyalar bilan tahdid qildi
"Katta yettilik" tashqi ishlar vazirlari Moskvani Kiyevdan o‘rnak olishga va keyingi sanksiyalardan qochish uchun o‘t ochishni to‘xtatishga rozi bo‘lishga chaqirdi.

Foto: Global Look Press/Hannes P Albert
"Katta yettilik" mamlakatlari tashqi ishlar vazirlari Kanadada uchrashib, agar Rossiya Ukrainada o‘t ochishni to‘xtatishdan bosh torsa, unga qarshi qo‘shimcha sanksiyalar qo‘llash imkoniyatini muhokama qildi. 14 mart, juma kuni e’lon qilingan qo‘shma bayonotda: «Biz Rossiyani (Ukrainaga) teng shartlar asosida o‘t ochishni to‘xtatishga rozi bo‘lish orqali o‘zaro javob berishga chaqirdik», deyiladi. «Agar bunday o‘t ochishni to‘xtatish kelishuviga erishilmasa, Rossiyaga qo‘shimcha bosim, jumladan, sanksiyalar, neft narxini cheklash, Ukrainaga qo‘shimcha yordam ko‘rsatish va boshqa choralarni ko‘rishni muhokama qildik».
Kanadaning «Katta yettilik»dagi raisligi veb-saytida e’lon qilingan hujjatda tashqi ishlar vazirlari har qanday o‘t ochishni to‘xtatishga «amal qilinishi» va Ukrainaning «yangilangan har qanday tajovuzkor harakatlardan» o‘zini himoya qila olishini ta’minlash uchun «mustahkam va ishonchli» xavfsizlik mexanizmlarini ishga tushirish kerakligini ta’kidladilar.
AQSh G7 yig‘ilishida Rossiyaga qarshi ritorikadan qochishga chaqirdi
AQSh 12-14 mart kunlari Kanadaning Kvebek provinsiyasi Sharlevua shahrida bo‘lib o‘tgan «Yettilik guruhi» (G7) davlatlari tashqi ishlar vazirlarining yig‘ilishida Rossiyaga nisbatan «dushmanlik» ritorikasini qo‘llashning oldini olmoqchi edi. Bu haqda 10 mart kuni AQSh davlat kotibi Marko Rubio ma’lum qildi. «Bizning fikrimizcha, dushmanona ritorika ba’zan muzokaralarda nizolashayotgan tomonlarni jalb qilishni qiyinlashtiradi», — deya uning so‘zlarini keltiradi AFP.
Shu bilan birga, Rubioning so‘zlariga ko‘ra, Ukrainadagi urushni tartibga solishda aniq bir tomonni qo‘llab-quvvatlash haqida gap ketmayapti. «Katta yettilik»ning boshqa tashqi ishlar vazirlari boshqacha fikrda bo‘lishi mumkin, ammo hozirda Vashington muzokaralar o‘tkazish imkoniyatini ta’minlay oladigan yagona tomon, dedi AQSh davlat kotibi.
Avvalroq Bloomberg agentligi «Katta yettilik» qo‘shma bayonoti loyihasi bo‘yicha muzokaralar chog‘ida AQSh Xitoyga nisbatan so‘zlarni qat’iylashtirish va Rossiya Federatsiyasiga nisbatan qoidalarni yumshatishni talab qilgani haqida xabar bergan edi. Xususan, Vashington «sanksiyalar» so‘zini olib tashlashni, «Rossiyaning Ukrainaga qarshi urush olib borish qobiliyati» degan so‘zni «daromad olish» so‘zlari bilan almashtirishni talab qildi. Bundan tashqari, agentlik tomonidan ko‘rilgan asosiy kommyunike loyihasidan Rossiya tajovuzkorligi haqidagi har qanday eslatma olib tashlandi. Buning o‘rniga matnda o‘t ochishni to‘xtatish bo‘yicha kelishuvga erishish uchun «barcha sa’y-harakatlar» olqishlanadi, deb yozadi Bloomberg.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Bu yil Toshkent shahriga 8 milliard dollar investitsiya jalb qilinadi
O‘zbekiston | 18:33
-
Janubiy Koreya sobiq prezidenti Yun Sok Yol hibsga olindi
Jahon | 18:28
-
Yevrokomissiya Zelenskiy ishtirokidagi muzokaralarni yozib olgan tarjimonni chetlatdi - Le Monde
Jahon | 18:26
-
Rustam Ashurmatov Eron chempionatiga o‘tdi
Sport | 18:24
Mavzuga oid

12:30 / 30.06.2025
G7 AQSh biznesini global soliqdan ozod qilishga rozi bo‘ldi

09:14 / 27.06.2025
AQSh davlat kotibi G7 TIV rahbarlari bilan Yaqin Sharqdagi vaziyatni muhokama qildi

11:30 / 18.06.2025
Reuters: G7 AQSh tufayli Ukraina bo‘yicha bayonotni e’lon qilmaydi

20:02 / 24.05.2025