AQShda olti kun mashinada qamalib qolgan ayol kurtkasi yordamida omon qoldi
Ayol rulda uxlab qolib, mashinasi bilan jardan qulab tushgan.

Foto: New York Post
AQShning Indiana shtatida 41 yoshli ayol mashinasi bilan jarlikdan qulab tushdi. Olti kun davomida jarohatlar bilan mashinada qolib ketgan ayolni tasodifan topib olishdi, deb xabar bermoqda ABC News.
Drenaj va tuproq ishlari bilan shug‘ullanuvchi erkak jarlik yonidan o‘tayotganda ayolning mashinasini payqab qolgan. U darhol rahbariga qo‘ng‘iroq qilgan va ular birgalikda avtomobilni tekshirib, ichidan jabrlanuvchini topishgan.
Ayol hushida edi. U kimdir uni topib olishidan butunlay umid uzganini aytadi. Jabrlanuvchini Chikagodagi shifoxonaga olib borishdi. Shifokorlar uning ahvoli og‘ir ekanini ma’lum qildi. Ayolning oyoqlari va bilagi jiddiy shikastlangan.
Ma’lum bo‘lishicha, jabrlanuvchi rulda uxlab qolib, mashina yo‘ldan chiqib ketgan va ko‘prik ostidagi ariqqa qulagan. Uning telefoni yo‘lovchi o‘rindig‘i ostiga tushib, quvvati tugagan. Ayolning tirik qolishiga egnidagi kurtkasi yordam bergan. U kurtkani mashina tiqilib qolgan ariqdagi suvga botirgan va matoga shimilgan suvni siqib ichgan.
Mahalliy sherif jabrlanuvchini topgan erkakni qahramon deb atadi. Agar u mashinani payqamaganida, voqea ayanchli tugashi mumkin edi.
Avvalroq Xitoy tog‘larida adashgan 18 yoshli sayyoh tish pastasini yeb omon qolgandi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
«Missiya yakunlandi». «Vagner» XHK Malidan ketishini e’lon qildi
Jahon | 20:33
-
Shomurodov o‘ynaydigan «Roma»ga yangi bosh murabbiy tayinlandi
Sport | 20:32
-
Qozog‘iston harbiylari Buyuk Britaniyada tayyorgarlikdan o‘tadi
Jahon | 20:14
-
Tramp Germaniyaga Rossiya gazi o‘rniga amerikanikini taklif qildi
Jahon | 19:40
Mavzuga oid

19:40
Tramp Germaniyaga Rossiya gazi o‘rniga amerikanikini taklif qildi

18:58
Trampning siyosati tufayli AQSh turizm sanoati 12,5 mlrd dollar yo‘qotadi

23:16 / 05.06.2025
AQSh qurol ishlab chiqaruvchilari Meksikaga 10 mlrd dollar tovon to‘lamaydigan bo‘ldi

21:42 / 05.06.2025