Farg‘onada ommaviy bezorilik uyushtirgan Otabek Vallomov qamoqqa olindi
Farg‘onadagi kompyuter o‘yin klubida janjal sodir etib, klub xodimlarini guruh bo‘lib kaltaklagan Otabek Vallomov va uning sheriklari qo‘lga olindi. Farg‘ona viloyati IIBning Kun.uzʼga ma’lum qilishicha, ayblanuvchilarga nisbatan qasddan badanga og‘ir shikast yetkazish va bezorilik – JK 104 va 277-moddalari bilan jinoyat ishi qo‘zg‘atilgan.

Foto: Farg‘ona viloyati IIB matbuot xizmati
Farg‘ona viloyati IIB matbuot xizmati Kun.uzʼga “Vallomov ishi”ning yangi tafsilotlarini ochiqladi.
«1998 yilda tug‘ilgan Otabek Vallomov Baxtiyorjon o‘g‘li joriy 21 fevral kuni tanishlari Muhammadaziz G‘ulomjonov, Qodirov Muhammadali, Mahmudjonov Nazirjon, Omonullayev Muhammadali va Mamajonov Hojiakbarxon bilan bir guruh bo‘lib, «Verona» klubida jamiyatda yurish-turish qoidalarini qasddan mensimasdan, jamoat joyida baqir-chaqir qilib, jamoa tartibini va mijozlarning tinchligini buzib, shovqin solgan. Klub ish yurituvchisi Xudoynazarov ularni tartibga chaqirgan paytda janjal chiqarib, uning tanasining turli joylariga urib, tan jarohati yetkazgan.
Bundan tashqari, Otabek Vallomov o‘zining jinoiy harakatlarini davom ettirib, janjalning oldini olishga uringan Musayev va Suyarqulovga ham qarshilik ko‘rsatib, ularni ham urib, tan jarohati yetkazgan», — deyiladi IIB bayonotida.
Ma’lum bo‘lishicha, holat yuzasidan Otabek Vallomov hamda uning besh nafar sheriklariga nisbatan Jinoyat kodeksi104-moddasi ikkinchi qismi «b» va «k» bandlari – o‘z xizmat yoki fuqarolik burchini bajarishi munosabati bilan shaxsga yoki uning yaqin qarindoshlariga nisbatan bir guruh shaxslar tomonidan qasddan badanga og‘ir shikast yetkazish, shuningdek, JK 277-moddasi, uchinchi qismi «g» bandi – bezorilik harakatlarining oldini olish chorasini ko‘rgan boshqa fuqarolarga qarshilik ko‘rsatib sodir etilgan bezorilik harakatlari bilan jinoyat ishi qo‘zg‘atilgan.
Ayni vaqtda Otabek Vallomov qo‘lga olinib, unga nisbatan qamoqqa olish tarzidagi ehtiyot chorasi qo‘llangan. Hozirda tergov harakatlari olib borilmoqda. Shuningdek, Farg‘ona viloyati IIB «Vallomov Otabek hamda uning sheriklaridan jabrlangan» fuqarolardan quyidagi raqamlarga murojaat qilishni so‘ragan: +998950236320, +998732440269 yoki 102. Xabar qilgan fuqarolarning shaxsi sir saqlanadi.
Kun.uz oldinroq Otabek Vallomov va uning sheriklari kompyuter klubi xodimlarini kaltaklagani haqida xabar bergandi. Klubdagi shovqin-suron va fuqarolarni kaltaklashni boshlagan yigit o‘zining «Otabek Vallomov» ekanini aytib, kerak bo‘lsa klubni sotib olishini bildirgan. U «xohlagan odamingni boshlab kel», deb baqirgan.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
Oq uy: Tramp Eronga hujum masalasida ikki haftada bir qarorga keladi
Jahon | 23:35 / 19.06.2025
-
Qozog‘istonda elektr ta’minoti uzilgani O‘zbekistonga ham ta’sir qildi
O‘zbekiston | 23:25 / 19.06.2025
-
Saida Mirziyoyevani e’tirof etgan Putin, Parkentda quriladigan kurort va O‘zbekistondan ketayotgan Magnum – mahalliy dayjest
O‘zbekiston | 22:56 / 19.06.2025
-
Tramp TikTok ilovasining AQShdagi faoliyatini 90 kunga uzaytirdi
Jahon | 22:37 / 19.06.2025
Mavzuga oid

09:14 / 18.06.2025
“Aybsiz bo‘lsa, nega yashirinib yuribdi?” – Farg‘ona viloyati IIB restoranga uyushtirilgan “maska-shou”ga izoh berdi

19:26 / 17.06.2025
Restorandagi “maska-shou”: Farg‘onaning amaldorlari u yerda nima qilyapti?

13:57 / 13.06.2025
Farg‘onada 45 yoshli erkak yosh bolani mashina yukxonasiga solib qo‘ydi

09:22 / 08.06.2025