Qoʻshimcha funksionallar
-
Tungi ko‘rinish
Muayyan kasalliklari bor o‘quvchilarga transport xarajatlari to‘lab beriladi
Ixtisoslashtirilgan maktablar va maktab-internatlarda tahsil olayotgan, ko‘rish organlari va tayanch-harakat apparati kasalliklari bo‘lgan bolalarning oyiga 450 ming so‘mgacha miqdordagi transport xarajatlari qoplab beriladi.

Foto: AP
Vazirlar Mahkamasining "Transport xizmatlaridan foydalanish imkoniyatlarini kengaytirish orqali ko‘rish va harakatlanish bilan bog‘liq kasalliklarga chalingan alohida ta’lim ehtiyojlari bo‘lgan bolalar uchun ta’lim olish sharoitlarini yaxshilash to‘g‘risida"gi qarori qabul qilindi.
Ijtimoiy himoyaga muhtoj fuqarolar uchun shart-sharoitlar yaratish, shu jumladan jamoat transportida qulay muhit yaratish nazarda tutilgan.
Prezident huzuridagi Aholini ijtimoiy himoya milliy agentligiga 2025 yil 1 apreldan Toshkent, Andijon va Samarqandda, 2025 yil oxirigacha esa respublikaning boshqa hududlarida bosqichma-bosqich transport xizmati ko‘rsatish bo‘yicha loyihani pilot sifatida joriy etish topshirildi.
Loyiha doirasida ixtisoslashtirilgan maktablar, maktab-internatlarda tahsil olayotgan ko‘rish organlari va tayanch-harakat apparati kasalliklari bo‘lgan bolalarga transport xizmatlari ko‘rsatiladi.
Ijtimoiy ahamiyatga ega transport xizmatlaridan foydalanish uchun umumiy summa har bir ta’lim oluvchiga oyiga BHMning 1,2 baravari (hozirda 450 ming so‘m)dan oshmaydi.
Ijtimoiy ahamiyatga ega transport xizmati yo‘nalishsiz taksida yo‘lovchilar tashuvchilariga mijozlarni izlash bo‘yicha interaktiv xizmatlar ko‘rsatuvchi agregatorlar tomonidan amalga oshiriladi.
Ijtimoiy ahamiyatga ega transport xizmatlaridan foydalanish uchun buyurtmalar transport xizmatlari ko‘rsatuvchi tadbirkorlik sub’yektlari reyestriga kiritilgan tadbirkorlik sub’yektlarining mobil ilovalari orqali beriladi.
Ijtimoiy ahamiyatga ega transport xizmatlarini o‘z vaqtida va sifatli taqdim etilishi ustidan nazorat Agentlik huzuridagi "Axborot texnologiyalari markazi" DM Koll-markazi tomonidan ushbu xizmatdan foydalanuvchi shaxslar orasida so‘rov o‘tkazish yo‘li bilan amalga oshiriladi.
Hujjat bilan ijtimoiy ahamiyatga ega transport xizmatlarini taqdim etish va ko‘rsatilgan xizmatdan foydalanish xarajatlarini subsidiyalar shaklida qoplash tartibi to‘g‘risidagi Nizom tasdiqlangan, unda quyidagilar nazarda tutilgan:
- ijtimoiy ahamiyatga ega transport xizmatlarini ko‘rsatuvchi xo‘jalik yurituvchi sub’yektlarni aniqlash;
- ijtimoiy ahamiyatga ega transport xizmatlari foydalanuvchilari ro‘yxatini shakllantirish;
- ijtimoiy ahamiyatga ega transport xizmatlaridan foydalanish xarajatlarini subsidiyalash tartibi.
"Yagona milliy ijtimoiy himoya" axborot tizimida transport xizmatlaridan foydalanuvchi ta’lim oluvchilar va ularning qonuniy vakillari (ota-onalar, farzandlikka oluvchilar, vasiylar va homiylar, tarbiyachilar) to‘g‘risidagi ma’lumotlarni o‘z ichiga olgan ijtimoiy ahamiyatga ega transport xizmatlari foydalanuvchilari ro‘yxati shakllantiriladi.
Transport xizmatlari quyidagi kasalliklari bo‘lgan o‘quvchilarga taqdim etiladi:
- bolalar tserebral falaji (BsF) (GMFCS tasnifiga ko‘ra 3-4-5 darajali);
- og‘ir aqliy zaiflik (F72);
- chuqur aqliy zaiflik (F73);
- bolalar autizmi (xulq-atvor buzilishlari va nazoratsiz harakatlar sindromi);
- Dyushenn miopatiyasi;
- orqa miya mushak atrofiyasi;
- orqa miya churrasi, quyi paraplegiya;
- ko‘rlik (amebiaz) (H54.1);
- tug‘ma nuqsonlar: anoftalm;
- ko‘ruv nervi atrofiyasi (H47.2);
- ko‘ruv nervi diski va makulaning yaqqol gipoplaziyasi;
- chala tug‘ilganlar retinopatiyasi;
- to‘r parda ko‘chishi.
Tavsiya etamiz
“Rossiya urushga chuqur kirib ketdi, undan chiqishi imkonsiz” - siyosatshunos
Jahon | 18:20 / 28.07.2025
Ukrainada siyosiy inqiroz. Nega bunday bo‘ldi va buyog‘iga nima bo‘ladi?
Jahon | 17:56 / 27.07.2025
Davlat oliygohlari uchun kvotalar tasdiqlandi
O‘zbekiston | 23:49 / 25.07.2025
O‘zbekistonda pensiya miqdori qanday hisoblanadi? – muhim savollarga javoblar
O‘zbekiston | 23:34 / 25.07.2025
So‘nggi yangiliklar
-
“Asialuxe Travel” kompaniyasi “Yoz, shoshma!” aksiyasini e’lon qiladi
O‘zbekiston | 09:00
-
Samarqandda bo‘lib o‘tadigan xalqaro festivalda 7 tonna palov tayyorlanadi
Turizm | 09:39
-
G‘azoga gumanitar yordam: Mers Netanyahudan yangi qadamlar talab qildi
Jahon | 09:26
-
O‘zbekistonning birinchi elchisi Shri-Lanka prezidentiga ishonch yorliqlarini topshirdi
O‘zbekiston | 09:14
Mavzuga oid

07:42 / 26.07.2025
Moskvadagi oliy maktab talabalariga o‘qishni boshqa oliygohlarga ko‘chirish taklif qilindi

10:01 / 22.07.2025
Maktabdagi so‘nggi 6 yillik o‘rtacha baholar test sinovi baliga qo‘shilmaydigan bo‘ldi

15:07 / 21.07.2025
Latviya O‘zbekistonda xalqaro maktab tashkil etish imkonini ko‘rib chiqmoqda

20:25 / 17.07.2025