«PSJ» «Liverpul»ga alamli tarzda yutqazdi, «Barsa» 10 kishi bo‘lib g‘alaba qozondi

Yevropa Chempionlar Ligasida 1/8 finalning birinchi o‘yinlari yakunlandi. 

Markaziy bahsda «PSJ» «Liverpul»dan o‘yin bo‘yicha ustunlikka erishsa-da, mag‘lubiyatga uchradi. Mezbonlar 28 ta zarba berib ham, gol ura olishmadi. Mersisaydliklar posboni Alisson 9 ta seyv amalga oshirdi. 87-daqiqada esa «qizillar» ilk aniq zarbani golga aylantirishdi — Elliot Saloh o‘rniga tushiboq to‘p kiritdi. 

Germaniya grandlari to‘qnashuvida «Bavariya» «Bayyer»dan yirik hisobda ustun keldi. Keyn dublga erishgan bo‘lsa, Musiala ham o‘z hisobiga gol yozdirib qo‘ydi. 

«Barselona» Lissabonda 22-daqiqadayoq kamchilikda qolganiga qaramay, Rafinyaning goli evaziga g‘alaba qozondi. 

«Inter» Rotterdamda «Feyyenoord» ustidan Tyuram va Martinesning gollari evaziga ishonchli g‘alabaga erishdi. Hisob yirik ko‘rinish olishi ham mumkin edi, ammo Zelinski penaltidan foydalana olmadi.

Ushbu juftliklarda javob bellashuvlari 11 mart kuni o‘tkaziladi. 

YeChL. 1/8 final
Birinchi o‘yinlar. 5 mart

PSJ — Liverpul 0:1
Gol: Elliot (87). 
PSJ — Donnarumma, Markinos, Pacho, Hakimi, Mendesh, Vitinya, Ruis (Zair-Emeri, 78), Nevesh, Barkolya (Due, 66), Dembele, Kvaratsxeliya (Ramush, 78). 
Liverpul — Alisson, Aleksander-Arnold, Konate, van Deyk, Roberson, Gravenberh (Endo, 79), Soboslai, Mak Allister, Dias (Jons, 67), Saloh (Elliot, 86), Jota (Nunes, 67). 
Ogohlantirishlar: Markinos (38), van Deyk (70). 

{Yii::t(}

O'tkazib yuborish 6s

O'tkazib yuborish

Bavariya — Bayyer 3:0
Gollar: Keyn (9, 75 penalti), Musiala (54). 
Bavariya — Noyyer (Urbig, 58), Laymer (Stanishich, 68), Upamekano, Kim (Dayyer, 89), Devis, Kimmix, Goretska (Palinya, 89), Olise, Musiala, Koman (Sane, 68), Keyn. 
Bayyer — Kovar, Ermoso, Ta, Inkapie, Mukiyele, Palasios, Jaka (Garsiya, 81), Grimaldo (Buendia, 87), Frimpong (Artur, 81), Virts (Shik, 81), Adli (Tapsoba, 68). 
Ogohlantirishlar: Mukiyele (39), Laymer (39), Gortetska (51), Tapsoba (74), Ta (75). 
Chetlatish: Mukiyele (62). 

Benfika — Barselona 0:1
Gol: Rafinya (61). 
Benfika —Trubin, Araujo (Dal, 57), Silva, Otamendi, Fernandes, Ko‘kchu (Sanches, 84), Eurnsnes, Barreyro (Belotti, 70), Akturko‘g‘li, Shelderup (Rego, 70), Pavlidis (Kabral, 84). 
Barselona — Shesni, Kunde, Kubarsi, Martines, Balde, De Yong (Kasado, 79), Pedri, Olmo, Rafinya, Yamal (Torres, 56), Levandovski (Martin, 79). 
Ogohlantirishlar: Barreyro (45), Martines (45+2), Silva (45+5), Fernandes (73), Rego (90+1).
Chetlatish: Kubarsi (22). 

Feyyenoord — Inter 0:2
Gollar: Tyuram (38), Martines (50). 
Aniq amalga oshirilmagan penalti: Zelinski (65).
Feyyenoord — Vellenroyter, Mitchell, Belen, Hansko, Bueno, Moder, Smal, Payshao, Haj Musa, Usmon, Karranza (Ueda, 59). 
Inter — Martines, Pavar, de Vrey (Bissek, 72), Acherbi, Bastoni, Dumfris, Barella (Frattezi, 72), Aslani (Chalxono‘g‘li, 81), Zelinski,  Martines (Arnautovich, 81), Tyuram (Torimiy, 62). 
Ogohlantirishlar: Mitchell (68), Vellenroyter (71), Bastoni (74), Usmon (76).