Urgutga temiryo‘l liniyasi tortiladi
Yangi temiryo‘l liniyasi Jomboy, Toyloq, Samarqand va Urgut tumanlari hududidan o‘tadi.

Foto: Urgut tumani hokimligi
Jomboy tumanidan Urgut tumaniga yangi temiryo‘l liniyasi qurilishi boshlangan. Bu haqda O‘zA xabar bermoqda.
Ma’lum qilinishicha, uzunligi 50 kilometrdan ortiq bo‘lgan yangi tarmoq “Toshtemiryo‘lloyiha” MChJ tomonidan ishlab chiqilgan bosh reja bo‘yicha zamonaviy mucandislik yechimlari hisobga olingan holda barpo etiladi.
Yangi temiryo‘l tarmog‘i Jomboy tumanidagi “MAN” zavodi yaqinidan boshlanadi va 4R-238 avtomobil yo‘lini kesib o‘tib, Zarafshon daryosi bo‘ylab davom etadi. Daryoda maxsus temiryo‘l ko‘prigi barpo etiladi.
So‘ng Toyloq va Samarqand tumanlari davom ettirilib, Urgut tumaniga boradi. Temiryo‘l o‘tadigan Jomboy, Samarqand, Toyloq va Urgut tumanlarining aholi gavjum hududlarida bekatlar tashkil etiladi.
Masalan, Tojikiston bilan chegaradosh Urgut tumanida joylashgan «Jartepa» chegara bojxona posti yaqinida bekat quriladi. Bu esa tojikistonliklarga yurtimiz bo‘ylab temiryo‘l orqali ham sayohat qilish imkonini beradi.
“Mazkur yangi tarmoq yurtimiz temiryo‘l sohasidagi yirik loyihalardan biri. Bu orqali nafaqat “Urgut” erkin iqtisodiy zonasi korxonalarining transport tarmog‘i yaxshilanadi, shu bilan birga aholi uchun qulaylik yaratiladi, hududda sayyohlik rivojlanadi”, deydi “Temiryo‘l loyihasi” MChJ direktori Rasuljon Ro‘ziyev.
Qayd etilishicha, yangi temiryo‘l qurilishiga start berilgan va unda transport vaziri Ilhom Mahkamov, Samarqand viloyati hokimi vazifasini bajaruvchi Adiz Boboyev va boshqa mas’ullar ishtirok etgan.
Ma’lumot uchun, qariyb 600 ming aholi yashayotgan va minglab korxonalar joylashgan Urgut tumaniga shu paytgacha temiryo‘l liniyasi tortilmagan.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
Oq uy: Tramp Eronga hujum masalasida ikki haftada bir qarorga keladi
Jahon | 23:35 / 19.06.2025
-
Qozog‘istonda elektr ta’minoti uzilgani O‘zbekistonga ham ta’sir qildi
O‘zbekiston | 23:25 / 19.06.2025
-
Saida Mirziyoyevani e’tirof etgan Putin, Parkentda quriladigan kurort va O‘zbekistondan ketayotgan Magnum – mahalliy dayjest
O‘zbekiston | 22:56 / 19.06.2025
-
Tramp TikTok ilovasining AQShdagi faoliyatini 90 kunga uzaytirdi
Jahon | 22:37 / 19.06.2025
Mavzuga oid

11:22 / 18.06.2025
Urgutda sud raisi YTH qurboni bo‘ldi

09:53 / 15.06.2025
Andijonda temiryo‘ldagi sisternaga chiqqan erkakni tok urdi

09:33 / 12.06.2025
“Tashqi bosim orqali fermerlarni yerdan mahrum qilishga urinish qonunchilikka mutlaqo zid” – Qishloq xo‘jaligi vazirligi

11:30 / 10.06.2025