Xarkivga Rossiya dronlarining yirik hujumi: jabrlanganlar bor
Rossiya Shahed dronlari yordamida Xarkivga katta hujum uyushtirdi. Natijada fuqarolik infratuzilmasi obektlari, jumladan, tibbiyot muassasasi zarar ko‘rgan. Kamida yetti kishi jarohatlangan.

Foto: State Emergency Service of Ukraine/REUTERS
Rossiya 1 mart, shanbaga o‘tar kechasi Shahed dronlari yordamida Xarkov va Xarkiv oblastiga yirik hujum uyushtirdi. Shaharning Kiyev, Shevchenko va Novobavar rayonlarida to‘qqizta hujum qayd etilgan, deb xabar berdi mahalliy politsiya Telegramʼda.
Dronlardan biri uch qavatli tibbiyot binosiga urildi, natijada tomda yong‘in kelib chiqqan. Qutqaruvchilar, politsiya, tibbiyot xodimlari va ko‘ngillilar binodan 64 kishi, jumladan 56 bemor va bir bolani evakuatsiya qildi.
Turar joy binolari, savdo markazi, do‘konlar, yonilg‘i quyish shoxobchasi, avtosalon va boshqa fuqarolik infratuzilma obektlari ham zarar ko‘rgan, deya qo‘shimcha qildi Xarkiv oblasti politsiyasi. Yana bir qancha joylarda yong‘in sodir bo‘lgan.
Huquq-tartibot idoralari ma’lumotlariga ko‘ra, uchuvchisiz uchoqning zarbalari oqibatida kamida yetti kishi jarohatlangan. Xarkiv oblasti harbiy ma’muriyati (OHM)ning aniqlik kiritishicha, jabrlanganlarning barchasiga voqea joyida yordam ko‘rsatilgan va ularni kasalxonaga yotqizish talab qilinmagan.
Avvalroq Xarkiv ikki marta uchuvchisiz uchoqlar hujumiga uchradi
27 fevral oqshomida Rossiya Qurolli kuchlari Xarkiv oblastining energetika tizimiga kamida 12 ta kamikadze dron bilan hujum qildi. Uch kishi jarohatlangan, deya xabar beradi mahalliy rasmiylar.
Ertasi kuni tunda Xarkivga yana bir yirik uchuvchisiz uchoqlar havo hujumi uyushtirildi, natijada fuqarolik korxonasida 1500 kvadrat metrgacha bo‘lgan hududda yong‘in sodir bo‘ldi. Buning oqibatida, shuningdek, Rogan rayonida dronning qulashi oqibatida to‘rt kishi jarohatlangan.
Tavsiya etamiz
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
So‘nggi yangiliklar
-
O‘zbekiston va Pokicton yomg‘ir suvini yig‘ish bo‘yicha tajriba almashadi
O‘zbekiston | 14:42
-
Ukraina sobiq mudofaa vaziri Reznikovning uyida tintuv o‘tkazildi
Jahon | 14:30
-
O‘zbekistonda Avstriya kompaniyasi ishtirokida tog‘-chang‘i kurorti quriladi
O‘zbekiston | 14:24
-
Daniya O‘zbekistonda bioprotein ozuqa qo‘shimchasini ishlab chiqaradi
O‘zbekiston | 14:23
Mavzuga oid

11:48
YeIdan ikki tashkilot Rossiyadagi «nomaqbul» tashkilotlar reyestriga qo‘shildi

09:25
Zaporijjya AESda Rossiya zarbasi tufayli blekaut yuz berdi

20:05 / 04.07.2025
Moskva viloyatidagi Ozarboyjon diasporasi rahbari Rossiya fuqaroligidan mahrum qilindi

17:41 / 04.07.2025