Qoʻshimcha funksionallar
-
Tungi ko‘rinish
Associated Press Oq uyga kirish rad etilgani yuzasidan sudga murojaat qildi
Associated Press jurnalistlariga Oq uyga kirish va AQSh prezidenti samolyotiga chiqish taqiqlandi. Bu harakatlar so‘z erkinligini buzadi, deyiladi agentlik da’vosida.

Foto: Getty images
Amerikaning Associated Press (AP) axborot agentligi AQSh prezidenti Donald Trampning uch nafar yuqori martabali yordamchisiga qarshi Oq uyning jurnalistlarning matbuot anjumaniga kirishini cheklash qarori yuzasidan sudga murojaat qildi. 21 fevral, juma kuni Vashingtondagi AQSh okrug sudiga taqdim etilgan da’vo arizasida Oval kabinetga va prezidentning Air Force One samolyotiga kirishning rad etilishi so‘z va matbuot erkinligini kafolatlovchi AQSh Konstitutsiyasiga kiritilgan birinchi tuzatishni buzishi aytiladi.
Sudda ayblanuvchilar Oq uy apparati rahbari Syuzan Uayls, uning o‘rinbosari Teylor Budovich va Oq uy matbuot kotibi Kerolin Livittdir. Agentlik bu qadami bilan «tahririyat mustaqilligi huquqini himoya qilmoqchi» ekanini tushuntirdi. «Qo‘shma Shtatlardagi matbuot va barcha odamlar o‘z so‘zlarini tanlash va hukumat ta’qibiga duchor bo‘lmaslik huquqiga ega», dedi AP.
Merilend shtatidagi Konservativ siyosiy harakatlar konferensiyasi (CPAC)da chiqish paytida da’vo bilan bog‘liq savollarga javob berar ekan, Livitt shunday dedi: «Biz to‘g‘ri pozitsiyani egallaganimizga ishonamiz. Biz har kuni Oq uyda haqiqat va aniqlik mavjudligini ta’minlashga sodiqmiz».
AP jurnalistlariga Oval kabinetga va Trampning samolyotiga kirish taqiqlandi
O‘tgan hafta Associated Press xodimlariga Oq uyning Oval kabineti va AQSh prezidentining Air Force One samolyotiga kirish taqiqlangan edi. Oq uy apparati rahbari o‘rinbosari Budovichning xabar berishicha, bu qaror tahririyat Trampning tegishli farmoniga qaramay, o‘z nashrlarida Meksika ko‘rfazining nomini Amerika ko‘rfazi deb o‘zgartirishdan bosh tortgani munosabati bilan qabul qilingan. «Associated Press Amerika ko‘rfazining geografik nomidagi qonuniy o‘zgarishlarni e’tiborsiz qoldirishda davom etmoqda», — deb yozgan Budovich X ijtimoiy tarmog‘ida agentlikni «noto‘g‘ri ma’lumot tarqatishda» ayblab. Shu bilan birga, u AP jurnalistlari va fotosuratchilari Oq uy majmuasiga tashrif buyurish huquqini saqlab qolishlariga aniqlik kiritdi.
Avvalroq, Google Maps xaritalash xizmati tomonidan AQShdagi foydalanuvchilar uchun Meksika ko‘rfazining geografik nomi Amerika ko‘rfaziga o‘zgartirilgan edi. AQSh Geologiya xizmati ham ko‘rfaz nomini o‘zgartirdi.
Tramp ikkinchi prezidentlik muddatining birinchi kunida nomni o‘zgartirish to‘g‘risidagi farmonni imzoladi.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Tramp yangi dedlayn belgiladi – endi Putin o‘t ochishni 10-12 kun ichida to‘xtatishi kerak
Jahon | 18:33
-
2 mlrd dollarlik investitsiya, 100 mln tonna neft va 35 mlrd kub metr gaz – SOCAR bilan imzolangan bitim tafsilotlari
O‘zbekiston | 18:25
-
“Rossiya urushga chuqur kirib ketdi, undan chiqishi imkonsiz” - siyosatshunos
Jahon | 18:20
-
Har uch o‘zbekistonlikdan biri pul jamg‘armaydi - so‘rovnoma
Iqtisodiyot | 17:52
Mavzuga oid

21:54 / 08.07.2025
Oq uyning kadrlar bo‘yicha direktori Serxio Gor Toshkentda tug‘ilgan - OCCRP

15:05 / 27.06.2025
Oq uy Ukrainadagi loyihalarni moliyalashtirishni to‘xtatishi mumkin

10:00 / 26.06.2025
OAV: Oq uy Kongressga kamroq maxfiy ma’lumotni taqdim etmoqchi

02:03 / 31.05.2025