AQSh Lukashenko bilan siyosiy mahbuslarni ozod etish bo‘yicha «katta bitim» tayyorlamoqda
Oxirgi oylarda Aleksandr Lukashenko 200 dan ortiq mahbusni afv etish bo‘yicha farmonlar imzolagan, ammo undan ko‘proq odam hibsga olingan. Mahbuslarning ozod etilishi evaziga AQSh Belarusga nisbatan sanksiyalarini yumshatadi.

Foto: REUTERS
Donald Tramp ma’muriyati belaruslik siyosiy mahbuslarni ozod etish bo‘yicha keng ko‘lamli bitim tuzishni rejalashtirmoqda. Bu haqda Vilnyusda g‘arblik diplomatlar bilan o‘tkazilgan yopiq uchrashuvda AQSh davlat kotibining yordamchisi Kristofer Smit ma’lum qildi, deb yozadi The New York Times.
12 fevral kuni Donald Tramp Vladimir Putin bilan telefon orqali muloqot qildi va Rossiya—Ukraina urushini to‘xtatish bo‘yicha muzokaralar boshlanishini aytdi. Uning ortidan Minskka oxirgi besh yil ichida birinchi marta AQSh Davlat departamenti vakili tashrif buyurdi. Kristofer Smit Aleksandr Lukashenko hamda Belarus Davlat xavfsizlik qo‘mitasi rahbari bilan muzokaralar o‘tkazdi va yakunda uch nafar mahbus, jumladan, AQSh fuqarosining ozod etilishiga erishdi.
«Ikkala voqea ham Vashington repressiv siyosati va Ukrainadagi urush tufayli G‘arbda yaxshi qabul qilinmaydigan yetakchilarni uzoq yildan beri izolyatsiyalashga bo‘lgan urinishdan chekinayotganiga signaldir», — deb yozadi NYT.
Vilnyusda diplomatlar bilan uchrashgan Smit uch nafar mahbusning ozod etilishini «maxsus operatsiya» va «prezident Trampning kuch orqali tinchlik o‘rnatish siyosatining ulkan g‘alabasi» ekanini aytdi. Keyingi qadam Lukashenko ko‘plab siyosiy mahbuslarni ozod etadigan «katta bitim» bo‘lishini bildirdi. AQSh buning evaziga Belarus banklari va kaliy o‘g‘itlari eksportiga sanksiyalarni yumshatishi kerak bo‘ladi.
Vilnyusdagi uchrashuvda ishtirok etganlarning so‘zlariga ko‘ra, Smit Lukashenkodan repressiyani yumshatishga tayyorligi bo‘yicha kafolat olgan. Amerikalik diplomat ushbu jarayonda AQShning asosiy maqsadi ko‘proq siyosiy mahbuslarni ozod etish ekanini bildirgan.
Davlat departamenti Lukashenko bilan bitim va munosabatlar to‘g‘risida rasman hech narsa ma’lum qilmadi.
«Vesna» inson huquqlarini himoya qilish tashkiloti ma’lumotlariga ko‘ra, ayni vaqtda Belarusda 1226 nafar siyosiy mahbus bor. Oxirgi oylarda Aleksandr Lukashenko 200 dan ortiq mahbusni afv etish bo‘yicha farmonlarni imzoladi. Ammo muxolifat faollarining ta’kidlashicha, bu vaqt davomida yanada ko‘proq odam hibsga olingan.
Tavsiya etamiz
Qaysi toifadagi talabalardan o‘qishni tugatguncha granti olib qo‘yilmaydi?
O‘zbekiston | 11:26 / 07.06.2025
Milliy jamoa a’zolariga BYD avtomobillari topshiriladi
Sport | 16:14 / 06.06.2025
Tramp va Mask ochiqchasiga urishib ketdi
Jahon | 12:05 / 06.06.2025
Yangi Toshkent qanaqa bo‘ladi? Bosh arxitektor va mas’ul shaharsoz bilan suhbat
O‘zbekiston | 17:07 / 05.06.2025
So‘nggi yangiliklar
-
Toshkentning ayrim ko‘chalari velomarafon sabab vaqtincha yopiladi
O‘zbekiston | 00:21
-
Turkiyada sayyohlarning kartasidan 29 mln dollar o‘g‘irlagan guruh a’zolari ushlandi
Jahon | 22:58 / 07.06.2025
-
Ilon Mask AQSh prezidenti bilan ziddiyat ortidan yangi partiya tuzishni taklif qildi
Jahon | 22:08 / 07.06.2025
-
Jyeyms Kukning afsonaviy Endeavour kemasi topildi
Jahon | 21:48 / 07.06.2025
Mavzuga oid

20:28 / 07.05.2025
Lukashenko 8 ming mahkumga amnistiya qo‘llash to‘g‘risidagi qonunni imzoladi

15:31 / 03.05.2025
Belarus O‘zbekistonda yig‘ma yog‘och uylarni ishlab chiqarishni tashkil etishi mumkin

22:19 / 25.04.2025
Lukashenko Polsha va Litvani migrantlar sabab xavotirga tushmaslikka chaqirdi

18:00 / 25.03.2025