Samarqandda 1,8 mlrd so‘mlik elektr energiyasini talon-toroj qilgan mayning ferma aniqlandi

Oilaviy korxona rahbari usta bilan birgalikda mebel sexini tarmoqqa ulab, noqonuniy mayning bilan shug‘ullanib kelgan.

Foto: Bosh prokuratura huzuridagi departamen

Samarqandda noqonuniy mayning faoliyati bilan shug‘ullanuvchi shaxslar tomonidan energiya resurslarni talon-toroj qilinishini fosh etishga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.

Xususan, Samarqand shahridagi «S.M.» oilaviy korxonasi rahbari A.I. va korxonaga qarashli mebel sexi ustasi A.N. sexni o‘zboshimchalik bilan tarmoqqa ulab, mayning bilan shug‘ullanib kelgani aniqlangan.

Natijada, ular jami 1,8 milliard so‘mlik elektr energiyasi o‘g‘irlangan.

Mazkur holat yuzasidan I.A. va A.N.ga nisbatan Jinoyat kodeksining 169-moddasi (o‘g‘rilik) 4-qismi «a» bandi bilan jinoyat ishi qo‘zg‘atilgan.

Eslatib o‘tamiz, o‘tgan yilning dekabr oyida Samarqand viloyati Ishtixon tumanida 28 milliard so‘mlik elektrdan noqonuniy foydalangan mayning ferma aniqlangan edi. Oilaviy korxonaga qarashli bino yon qismida joylashgan yerto‘lada 89 ta mayning qurilmasini elektr hisoblagichdan tashqari tarmoqqa to‘g‘ridan to‘g‘ri ulab, noqonuniy foydalanib kelingan.

#Samarqand #mayning