Tarixdagi eng tezkor Cadillac taqdim etildi
Cadillac Lyriq-V elektromobili atigi 3,3 soniyada noldan 100 km/soatgacha tezlasha oladi.

Foto: Cadillac
Cadillac kompaniyasi Lyriq elektr krossoverining yuqori unumdor versiyasini taqdim etdi. Uning nomiga V harfi qo‘shildi. Bu brend tarixidagi eng tez harakatlanuvchi avtomobildir.
Cadillac Lyriq-V elektromobili 102 kVt/soat quvvatga ega akkumulyator bilan jihozlangan bo‘lib, ikki dvigatelli to‘liq uzatmali boshqaruv tizimini quvvatlantiradi va 624 ot kuchiga ega. Og‘irligi 2713 kg bo‘lgan avtomobil Velocity Max rejimida ishlagan taqdirda 3,3 soniyada noldan 100 km/soatgacha tezlasha oladi.
Cadillac Lyriq-V to‘liq zaryadlangan holatda EPA sikli bo‘yicha 459 km yo‘l bosadi, bu to‘liq uzatmali Lyriq avtomobilidan 50 km kamroq.
Avtomobil Launch Control va manyovrni yaxshilash uchun mo‘ljallangan yangi quvvat uzatish sozlamalari, shuningdek kuchli Brembo tormozlari (standart modeldan deyarli ikki baravar katta) va maxsus 22 dyuymli g‘ildiraklarga ega bo‘ldi. Kompaniyaning ta’kidlashicha, Lyriq-V brendning maxsus to‘ldirilgan reallik proyeksiyasi displeyi bilan jihozlangan birinchi modelidir.
Cadillac Lyriq-V 2025 yilning birinchi choragida AQSh Tennessi shtatida ishlab chiqariladi. Elektromobilning narxi 80 ming dollardan boshlanadi, bu oddiy to‘liq uzatmali Lyriq avtomobilidan taxminan 16 ming dollar qimmatroq.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
Mavzuga oid

00:40
AQSh Iordaniyaga F-22 qiruvchi samolyotlarini yubordi

00:03
Trampning «Amerika smartfoni» aslida xitoyniki bo‘lib chiqdi - OAV

22:42 / 20.06.2025
AQSh Eronning mudofaa sanoatiga qarshi sanksiyalar joriy qildi

14:15 / 20.06.2025