7 ta gol urilgan super klasikoda «Barsa» yirik hisobda g‘alaba qozonib, 15-bor Ispaniya superkubogini qo‘lga kiritdi

Jiddada o‘tgan Ispaniya Superkubogi finalida «Barselona» va «Real» o‘zaro to‘qnash keldi. 7 ta gol urilgan bellashuvda Kataloniya klubi azaliy raqibini yirik hisobda yengib, Flik qo‘l ostida ilk sovrinini qo‘lga kiritdi.

«Barsa»dan Yamal, Levandovski, Rafinya (2 ta) va Balde, madridliklardan Mbappe hamda Rodrigo o‘z nomini tabloga yozdirib qo‘ydi. 56-daqiqada Shesni birga-bir vaziyatda Mbappeni to‘xtatib qolgani uchun chetlatildi.

Shu tariqa «Barselona» 15-bor Ispaniya superkubogi sohibiga aylanib, eng yaqin ta’qibchisi «Real» (13) bilan farqni oshirdi.

Ispaniya Superkubogi. Final
12 yanvar, «King Abdullah Spors City»
Real — Barselona 2:5
Gollar: Yamal (22), Levandovski (36, penalti), Rafinya (39, 48), Balde (45+10) — Mbappe (5), Rodrigo (60). 
Real – Kurtua, Mendi (Fran Garsiya, 75), Ryudiger, Chuameni (Modrich, 64), Vaskes (Asensio, 52), Kamavinga (Seballos, 46), Valverde, Bellinghem, Vinisius (Dias, 76), Rodrigo, Mbappe.
Barselona – Shesni, Balde, Martines (Arauxo, 28), Kubarsi, Kunde, Pedri, Kasado, Gavi (Penya, 59), Rafinya (Ferran Torres, 79), Levandovski, Yamal (Olmo, 59).
Ogohlantirishlar: Kamavinga (35), Martines (45+8), Ryudiger (53), Vinisius (55), Chuameni (62), Asensio (77), Levandovski (77), Arauxo (87), Rafinya (89).
Chetlatish: Shesni (56).