Toshkent metrosining 12 ta bekatida yo‘l haqini kaft orqali to‘lash imkoniyati yaratildi
Chilonzor yo‘lining «Olmazor»dan «Buyuk ipak yo‘li»gacha bo‘lgan 12 ta yerosti bekatida kaft orqali to‘lov tizimi ishga tushirildi. Yaqin vaqt ichida tizim qamrovi barcha stansiyalarga kengaytirilishi rejalashtirilgan.

Foto: Uzinfocom
Toshkent metrosida «MyID Palm» kaft rasmi bo‘yicha to‘lov tizimi ishga tushirildi. Bu haqda «Uzinfocom» Spot’ga ma’lum qilgan.
Yo‘lovchini biometrik identifikatsiya qilish uchun kaftdagi tomirlar hosil qilgan rasmni skanerlash texnologiyasi qo‘llanadi. Tizim mahalliy ishlab chiquvchilar tomonidan Transport vazirligi, «ATTO» transporti to‘lov xizmati va «Octobank» bilan hamkorlikda yaratilgan.
Ishlab chiquvchilar foydalanuvchi ma’lumotlarini ishonchli himoya qilishga va’da beryapti. Texnologiya ruxsatsiz kirish va biometrik profillarni soxtalashtirishga yo‘l qo‘ymaydi, deya ta’kidlanadi xabarda.
«MyID Palm» skanerlari Chilonzor yo‘lining «Olmazor»dan «Buyuk ipak yo‘li»gacha bo‘lgan 12 ta yerosti stansiyasida sinov rejimida ishlayapti. Yaqin vaqt ichida tizim qamrovi barcha stansiyalarga kengaytirilishi rejalashtirilgan.
Tizimdan «ATTO» transport kartasi va o‘rnatilgan servis ilovasi bo‘lgan smartfon mavjudligida foydalanish mumkin. Buning uchun biometrik profil yaratish va ular mavjud bo‘lgan metro bekatlaridan biridagi infokioskda kaftlarni skanerlash talab etiladi.
Ma’lumot uchun, kaft orqali to‘lov tizimini dastlabki sinovdan o‘tkazish 2023 yilning noyabr oyi oxirida boshlangandi. O‘shanda tizim «Xalqlar do‘stligi» metro bekatida o‘rnatilgandi.
Tavsiya etamiz
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
So‘nggi yangiliklar
-
Eronda internetga kirish cheklab qo‘yildi
Jahon | 22:21
-
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13
-
Boysun o‘rmonida yirik yong‘in, muammoli avtobus bekatlari, vasiy tayinlangan yuzlab bolalar – mahalliy dayjest
O‘zbekiston | 22:03
-
AQShda bir necha hafta oldin vafot etgan ayolning farzandi tug‘ildi
Jahon | 21:59
Mavzuga oid

09:32 / 07.03.2025
Toshkent metrosida favqulodda chaqiruv tugmalari o‘rnatilmoqda

19:37 / 04.02.2025
Toshkent metrosiga yana 3 ta yangi poyezd olib kelindi

12:24 / 26.01.2025
2024 yilda Toshkent metrosida qancha yo‘lovchi tashilgani ma’lum qilindi

23:20 / 18.01.2025