O‘zbekiston Afg‘oniston aholisiga insonparvarlik yordami va «Salomatlik» poyezdini jo‘natdi
Shavkat Mirziyoyevning topshirig‘i bilan Afg‘onistonga insonparvarlik yordami, jumladan, oziq-ovqat va dori-darmon yetkazib berildi.

Foto: Surxondaryo viloyati hokimligi
Surxondaryo viloyati hokimligi matbuot xizmatiga ko‘ra, jami 9 vagondan iborat «Salomatlik» tibbiy-sanitar yordami yuborilgan. 25−30 dekabr kunlari Afg‘onistonning Balx viloyatida bir guruh aholi malakali shifokorlar tomonidan bepul tibbiy ko‘rikdan o‘tkaziladi.
«Mazkur insonparvarlik yordami O‘zbekiston va Afg‘oniston hukumatlarining uchrashuvida afg‘on xalqini O‘zbekiston shifokorlari tomonidan bepul tibbiy ko‘rikdan o‘tkazishda ko‘mak ko‘rsatish so‘roviga asosan amalga oshirilmoqda», — deyiladi xabarda.
Insonparvarlik yuklari Surxondaryo viloyati hokimi Ulug‘bek Qosimov hamda Transport va Tashqi ishlar vazirliklari, shuningdek, «O‘zbekiston temiryo‘llari» AJ mutasaddilari tomonidan yetkazib berilgan.
Eslatib o‘tamiz, joriy yil may oyida O‘zbekiston toshqinlardan jabr ko‘rgan afg‘on xalqiga gumanitar yordam yuborgandi. O‘shanda insonparvarlik yordami tarkibidan 48 tonna un, 22 tonna guruch, 100 ming dona konserva va 44 tonna makaron mahsulotlari, 25 ming litr o‘simlik yog‘i, 100 ming dona tez tayyorlanadigan lag‘mon, shuningdek, 10 kishilik 100 ta maxsus qurilmali chodir va 1000 litrli 96 ta suv saqlash idishlari o‘rin olgan edi.
Mavzuga oid

13:21
O‘zbekiston Afg‘onistonda dori ishlab chiqarishni yo‘lga qo‘yishi mumkin

12:12 / 03.06.2025
«Vaqti-soati kelganda tan olamiz» – Komilov O‘zbekiston «Tolibon»ni xalqaro hamjamiyat bilan birga tan olishini aytdi

08:15 / 02.06.2025
Isroil gumanitar yordam yuklangan 3000 ta yuk mashinasining G‘azoga kirishini to‘sib qo‘ydi

09:03 / 22.05.2025