Tanqiddan so‘ng: 2 bolaning o‘limiga sababchi bo‘lgan haydovchi 3 yilga ozodlikdan mahrum qilindi
5 bolani urib ketib, ikki nafarining o‘limiga sababchi bo‘lgan Cobalt haydovchisiga Yangiyo‘l tuman sudyasi Ulug‘bek Ibragimov axloq tuzatish jazosini bergandi. Ish Toshkent viloyati prokurori o‘rinbosarining kassatsiya protestiga asosan qayta ko‘rib chiqildi.

Foto: Getty Images
YTH sodir qilib, 5 bolani urib yuborgan va ulardan ikki nafarining o‘limiga sababchi bo‘lgan haydovchi sud zalida qamoqdan ozod qilingandi. Sud hukmiga ko‘ra, u “oliy ma’lumotli, ishli yigit” bo‘lgan. Oradan bir hafta o‘tib esa YTHda bir kishining o‘limiga sababchi bo‘lgan, “ma’lumoti o‘rta-maxsus hamda ishsiz” haydovchiga ayni shu sudya hukmi bilan 2 yil ozodlikdan mahrum qilish jazosi tayinlangandi.
Kun.uz har ikki ishga bir sudya – Ulug‘bek Ibragimov raislik qilgani haqida yozgandi.
Shundan keyin ikkinchi holat bo‘yicha sudlanuvchi R.Mirzahotamovga nisbatan hukmga Toshkent viloyat prokurori tomonidan kassatsiya protesti kiritilgandi.
Oliy sud matbuot xizmati rahbari Aziz Obidovning Kun.uz'ga xabar berishicha, Toshkent viloyat sudining jinoyat ishlari bo‘yicha sudlov hay’ati kassatsiya instansiyasida jinoyat ishlari bo‘yicha Yangiyo‘l tuman sudining R.Mirzahotamovga nisbatan 2024 yil 11 noyabrdagi hukmi bekor qilingan va yangi ayblov hukmi e’lon qilingan.
Hukmga ko‘ra, Mirzahotamov Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi “a” bandida nazarda tutilgan jinoyatni sodir etganlikda aybli deb topilib, unga 3 yil transport vositasini boshqarish huquqidan mahrum qilgan holda 3 yil ozodlikdan mahrum qilish jazosi tayinlandi.
Mahkum jazoni manzil koloniyalarda o‘taydi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Toshkent va Surxondaryoda kuchli ta’sirga ega dorilarni sotayotganlar ushlandi
O‘zbekiston | 10:06
-
RFda sudlangan amerikalik Tater Rossiyani tark etdi
Jahon | 09:41
-
Sifatsiz benzinni sotuvga chiqargan AYoQShga 75 mln so‘m jarima qo‘llandi
O‘zbekiston | 09:37
-
"Levada": Rossiyaliklarning rekord qismi G‘arb bilan do‘stlikni xohlayapti
Jahon | 09:03
Mavzuga oid

12:00 / 05.06.2025
Xorazmda yosh yigit boshqaruvidagi Tracker kanalga quladi

15:08 / 04.06.2025
Toshkentda Nexia xavfsizlik orolchasidagi piyodani urib yubordi

22:28 / 03.06.2025
Andijonda 6 ta mashina ishtirokida YTH sodir etildi

08:03 / 03.06.2025