Yevroittifoq Kiyevga qo‘shimcha 30 mlrd yevro ajratmoqchi
2025 yilda Ukrainaga yana 30 milliard yevro moliyaviy yordam ajratish rejalashtirilmoqda, dedi Yevropa kengashi raisi Antonio Koshta Bryusselda YeI sammitidan so‘ng.

Foto: Wiktor Dabkowski/picture alliance
Yevropa Ittifoqi 2025 yilda Ukrainaga yana 30 milliard yevro qo‘shimcha yordam berishini e’lon qildi. Bu haqda 19 dekabr, payshanba kuni kechqurun Yevropa Ittifoqining Bryusselda bo‘lib o‘tgan sammitidan so‘ng Yevropa kengashining yangi raisi Antonio Koshta ma’lum qildi, deya xabar bermoqda Reuters. Sammitda Ukraina prezidenti Volodimir Zelenskiy ham ishtirok etdi.
Ikki kun avval Reuters agentligi manbalarga tayanib, bu miqdor Rossiyaning muzlatilgan aktivlaridan foyda sifatida olingan 18 milliard yevroni o‘z ichiga olgani va Yevropa tinchlik jamg‘armasi (YeTJ)dan qo‘shimcha ravishda 12,5 milliard yevro ajratilishini xabar qilgan edi. Yangi 30 milliard yevro YeI Kiyevga Rossiya hujumi boshlanganidan beri taqdim etgan 130 milliard yevroga qo‘shimcha ravishda ajratiladi.
O‘z navbatida, Vengriya Tashqi ishlar vazirligi rahbari Peter Siyyarto avvalroq Vengriya Yevropa Ittifoqining Ukrainaga YeTJdan 6,5 milliard yevro miqdorida harbiy yordam ajratish haqidagi qaroriga veto qo‘yganini ma’lum qilgan edi. Bundan tashqari, Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas Yevropa Ittifoqi 2025 yildan boshlab Ukrainaga oyiga 1,5 milliard yevro berishni boshlashini aytdi.
Koshta: Ukrainani YeIga qabul qilish bo‘yicha muzokaralar 2025 yilda boshlanadi
Yevropa Kengashining yangi raisi Antoniu Koshta Ukrainaga Yevropa Ittifoqiga qo‘shilish jarayonida tezkor o‘zgarishlar haqida va’da berdi. Kamida ikki yo‘nalish bo‘yicha muzokaralar 2025 yilning birinchi yarmida boshlanadi, dedi Koshta 1 dekabr kuni Yevropa Ittifoqi yangi rahbariyatining Kiyevga tashrifi chog‘ida. «Biz kelajakda siz bilan birga bo‘lamiz va bu shunchaki so‘zlar emas, biz gumanitar, iqtisodiy, harbiy va energiya yordamini ko‘rsatishni davom ettiramiz», dedi Koshta o‘zining yangi lavozimidagi birinchi kuni.
Ukrainaning Yevropa Ittifoqiga bosqichma-bosqich siyosiy va iqtisodiy integratsiyalashuviga misol, Koshtaning fikricha, xorijdagi ukrainalik foydalanuvchilar uchun hamyonbop roumingni joriy etishdir.
Tavsiya etamiz
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
«Siti» va «Real»da qayta qurish boshlandi. Yozning ilk haftalaridagi transferlar
Sport | 18:12 / 15.06.2025
AQSh–Eron muzokaralari taqdiri nima bo‘ladi?
Jahon | 23:29 / 14.06.2025
Parkentda 3 bola suvga cho‘kib halok bo‘ldi
Jamiyat | 20:35 / 14.06.2025
So‘nggi yangiliklar
-
O‘zbekistonda Toshkent – Bali yo‘nalishida tarixdagi birinchi to‘g‘ridan to‘g‘ri reys yo‘lga qo‘yilmoqda
Jamiyat | 19:00
-
Hokimlarga berilayotgan erkinlik, Yangi Toshkent shahrigacha metro, ma’muriy ogohlantirish chorasining kiritilishi – mahalliy dayjest
O‘zbekiston | 22:30
-
Tramp Erondan «so‘zsiz taslim bo‘lishni» talab qildi
Jahon | 21:59
-
Hindiston Pokistonga oqadigan daryolarning «ortiqcha suvini» o‘z hududiga yo‘naltirmoqchi
Jahon | 21:50
Mavzuga oid

13:00
Rossiya Kiyevga dron va raketalar bilan vayronkor hujum amalga oshirdi

11:22
Yevroittifoq Qrim va Sevastopol uchun sanksiyalarni uzaytirdi

08:58
Kiyevga dronlar hujumi: kamida 18 kishi jarohatlandi

13:01 / 12.06.2025