Qarshidagi fojianing gaz yoki is gazi bilan bog‘liqligi ehtimoldan yiroq - “Hududgazta’minot”
Qarshi shahrida bir oilaning 4 a’zosi o‘zlari yashab kelgan uyda halok bo‘lgani gaz yoki is gazi bilan bog‘liqligi ehtimoldan yiroq, deya ma’lum qildi “Hududgazta’minot”. Kompaniyaga ko‘ra, voqea joyini tekshirgan gaz ta’minoti va favqulodda vaziyatlar idoralari shunday xulosaga kelgan. Avvalroq prokuratura mo‘rilar ulangan joydan is gazi chiqqanini ma’lum qilgandi.

Foto: "Hududgazta’minot" AJ
17 dekabr kuni Qarshi shahrida 46 yoshli erkak va uning uch farzandi o‘zlari yashab kelgan xonadonda jonsiz holda topildi. Bosh prokuratura matbuot xizmatiga ko‘ra, hodisaga is gazi sabab bo‘lgan. Ammo “Hududgazta’minot” bu versiyaga qo‘shilmasligini ma’lum qildi.
Kompaniya matbuot xizmatining Kun.uz'ga ma’lum qilishicha, voqea joyini tekshirgan FVB va gaz ta’minoti mas’ullari gaz bilan bog‘liq muammo yo‘qligini aniqlagan.
“Mutasaddi xodimlar ishtirokida tekshirilganda yer to‘lada o‘rnatilgan 2 dona isitish qozonlarining dudburonlarini bir-biriga bog‘lanish joyi ochiq holatda ekani, xonadonning yer to‘lasida joylashgan isitish qozonining ishlash jarayoni tekshirilib ko‘rilganda, tabiiy gaz bosimi bir me’yorda ekani, gazoanalizator bilan ko‘rilganda xonada gaz sizib chiqishi holatlari yo‘qligi, dudburonning tortish kuchini gugurt yordamida tekshirilganda tortish kuchi borligi aniqlandi.
Yuqoridagi holatlar, mazkur baxtsiz hodisa gaz yoki is gazi bilan bog‘liqligi ehtimoldan yiroqligini ko‘rsatmoqda”, – deyiladi “Hududgazta’minot” AJ axborotida.
Qo‘shimcha qilinishicha, baxtsiz hodisa sabablari prokuratura, ichki ishlar, favqulodda vaziyatlar va boshqa tegishli mutasaddi tashkilotlar tomonidan o‘rganilmoqda. Ekspertiza xulosalariga ko‘ra, qo‘shimcha ma’lumot beriladi.
Eslatib o‘tamiz, prokuratura ilgari surgan versiyaga ko‘ra, uy yerto‘lasida o‘rnatilgan zamonaviy ikki konturli isitish qozoni mo‘risining umumiy ventilyatsiya mo‘risiga ulangan qismidan is gazi chiqqan.
Hodisa oqibatida 46 yoshli erkak va uning 18, 16 va 10 yoshda bo‘lgan uch farzandi halok bo‘ldi.
Tavsiya etamiz
🔴 LIVE: OTMga kirish imtihonlari qanday o‘tadi? – Kun.uz'da qabulga oid eng muhim savollar yuzasidan jonli efir
O‘zbekiston | 10:25
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
Yoz jaziramasi davom etadi: 10 kunlik ob-havo prognozi
O‘zbekiston | 17:56 / 20.06.2025
“Badavlat ayol” loyihasida kim badavlat bo‘lyapti?
Jamiyat | 21:46 / 19.06.2025
So‘nggi yangiliklar
-
AQSh bazalariga zarba bergan Eron, urush tugashini e’lon qilgan Tramp va Putinga topshirilgan maktub – kun dayjesti
Jahon | 13:33
-
Milliy malaka tizimini tartibga solish bo‘yicha ayrim hujjatlar tasdiqlandi
O‘zbekiston | 13:14
-
Kiyev va London harbiy ishlab chiqarish bo‘yicha hamkorlik haqida e’lon qildi
Jahon | 13:09
-
Rossiya tunda 97 ta dron bilan Ukrainaga hujum qildi
Jahon | 13:06
Mavzuga oid

10:44 / 18.06.2025
2,5 mlrd so‘mlik gazdan noqonuniy foydalangan zapravka aniqlandi

09:33 / 15.06.2025
Qashqadaryoda o‘zini profilaktika inspektori deb tanishtirib, fuqarodan pul olayotgan shaxs ushlandi

14:00 / 11.06.2025
1,3 mlrd so‘mlik gazdan noqonuniy foydalangan ovqatlanish maskani aniqlandi

12:43 / 24.04.2025