Qoʻshimcha funksionallar
-
Tungi ko‘rinish
Lloyd Ostin va Rustem Umerov Kiyevga keyingi yordamni muhokama qildi
AQSh mudofaa vaziri Rossiyaning Ukraina fuqarolik infratuzilmasiga hujumlarini va Moskvaning «Oreshnik»raketasidan foydalanishini qoraladi.

Foto: Reuters
AQSh mudofaa vaziri Lloyd Ostin Ukraina Mudofaa vazirligi rahbari Rustem Umerov bilan suhbatlashdi. Pentagon matbuot kotibi Pet Rayderning 2 dekabr, dushanba kuni bo‘lib o‘tgan brifingda ma’lum qilishicha, muhokama mavzusi jang maydonidagi vaziyat rivoji, shuningdek, Amerikaning Ukrainaga xavfsizlik bo‘yicha yordami bo‘lgan.
Rayderning ta’kidlashicha, Vashington Kiyevga «Ukrainaning jang maydonidagi eng muhim ehtiyojlarini, jumladan havo mudofaasi, raketa tizimlari, artilleriya va tankka qarshi qurollarni qo‘llab-quvvatlash uchun muhim imkoniyatlarni o‘z ichiga olgan qo‘shimcha xavfsizlik yordamini» taqdim etadi.
Pentagon saytidagi press-relizda qayd etilishicha, Ostin Umerov bilan suhbat chog‘ida «Rossiyaning yaqinda Ukraina fuqarolik infratuzilmasini nishonga olgan raketalar va uchuvchisiz uchish apparatlari, o‘rta masofaga mo‘ljallangan ballistik raketa («Oreshnik»)dan foydalanishini qoralagan, bu Rossiyaning Ukrainaga qarshi urushi yanada kuchayishini ko‘rsatdi».
AQSh Kiyevga dronga qarshi tizimlar va HIMARS uchun raketalarni yuboradi
Vashington Ukrainaga 725 million dollarlik yangi harbiy yordam paketiga uchuvchisiz havo vositalariga qarshi kurash tizimlari va HIMARS yalpi o‘t ochish reaktiv tizimlari uchun o‘q-dorilarni kiritish niyatida. Bu haqda 2 dekabr kuni AQSh ma’muriyatidagi manbalarga tayanib, AP agentligi xabar berdi.
Agentlikning ikki suhbatdoshi HIMARS uchun o‘q-dorilar uzoq masofali ATACMS raketalarimi yoki boshqami, shu masalaga aniqlik kiritmadi. Kiyev Rossiya hududidagi nishonlarga zarba bera oladigan qo‘shimcha raketalarni qidirmoqda.
AP xabariga ko‘ra, Amerika yordam paketiga piyodalarga qarshi minalar ham kiradi, ular yordamida Ukraina Rossiya qo‘shinlarining Kursk oblastida oldinga siljishiga to‘sqinlik qilishga umid qilmoqda.
Bir necha kun oldin Reuters agentligi AQSh prezidenti Jo Bayden ma’muriyati Ukrainaga 725 million dollarlik harbiy yordam paketini tayyorlayotgani haqida xabar bergan edi, bu paketga AQSh omboridagi tankka qarshi qurollar, minalar, dronlar, ko‘chma Stinger ZRK uchun snaryadlar va HIMARS YaO‘RT uchun o‘q-dorilar kiradi. Bularning barchasi Ukraina Qurolli kuchlariga Rossiyaning Ukraina sharqida so‘nggi oylarda kuchaygan hujumini ushlab turishda yordam berishi kerak.
Tavsiya etamiz
Germaniyaga ishga yuborish bilan bog‘liq firibgarlik holati aniqlandi
Jamiyat | 15:33 / 23.07.2025
O‘zbekistonda iPhone narxlari qimmatlashdi. Nega?
Iqtisodiyot | 21:38 / 22.07.2025
Toshkentda bemorga shilqimlik qilgan shifokor 5 sutkaga qamaldi
Jamiyat | 15:28 / 22.07.2025
Tarkibida kuchli ta’sir qiluvchi moddalar bo‘lgan ozdiruvchi qahvalar savdosiga chek qo‘yildi
Jamiyat | 09:27 / 22.07.2025
So‘nggi yangiliklar
-
Maldiv – halol dam olish uchun ideal tanlov
Jamiyat | 19:00 / 25.07.2025
-
Bitiruvchilarni texnikumga qabul qilish muddati 10 avgustga qadar uzaytirildi
Ta’lim | 14:55
-
Xonoboddagi festivalga sarflanayotgan milliardlar: Viloyat hokimligi izoh berdi, antikorrupsiya agentligi o‘rganish o‘tkazadi
O‘zbekiston | 14:48
-
IShID yetakchilaridan birini o‘ldirgan AQSh, cho‘kib ketishiga sal qolgan Ramzon Qodirov va G‘azoda davom etayotgan fojia – kun dayjesti
Jahon | 14:36
Mavzuga oid

14:50 / 24.07.2025
«Uchrashuvga hali erta». Istanbuldagi muzokaralarning qisqacha yakunlari

21:43 / 22.07.2025
Ukraina va Rossiya delegatsiyalari shu hafta Istanbulda uchrashishi kutilmoqda

14:31 / 18.07.2025
Rustem Umerov boshqa ishga o‘tdi

15:14 / 24.03.2025