Rossiya elchixonasi rus OAV vakillarini O‘zbekiston qonunlariga rioya qilishga chaqirdi
Rossiyalik bloger va jurnalist Aleksey Pivovarov hamda uning suratga olish guruhi Nukusda huquq-tartibot organlari tomonidan ushlab turilgani to‘g‘risida xabarlar tarqaldi. Bunga ular O‘zbekiston Tashqi ishlar vazirligida oldindan akkreditatsiyadan o‘tmasdan faoliyat yuritgani sabab bo‘lgan.

Rossiyaning O‘zbekistondagi elchixonasi mamlakatga tashrif buyurayotgan rus OAV vakillarini qonunlarga rioya qilishga chaqirdi.
«Rossiya OAVning O‘zbekistondagi faoliyati davomida ba’zida yuzaga keladigan muammoli vaziyatlar sabab yana bir bor ushbu mamlakat qonunlariga qat’iy rioya qilishlari kerakligini eslatib o‘tamiz.
Xususan, O‘zbekiston hududida o‘z faoliyatini amalga oshirishni rejalashtirayotgan jurnalist va blogerlar mamlakatga safar qilishdan oldin O‘zbekiston Tashqi ishlar vazirligidan tegishli akkreditatsiyadan o‘tishi kerak», — deyiladi elchixona xabarida.
Avvalroq ijtimoiy tarmoqlarda rossiyalik bloger va jurnalist Aleksey Pivovarov hamda uning suratga olish guruhi Nukusda huquq-tartibot organlari tomonidan ushlab turilgani to‘g‘risida xabarlar tarqalgandi. Rossiya elchixonasi holatga aniqlik kiritish maqsadida O‘zbekiston Tashqi ishlar vazirligi bilan bog‘langanini ma’lum qilgan.
O‘zbekiston prezidenti huzuridagi Axborot va ommaviy kommunikatsiyalar agentligining Qoraqalpog‘iston bo‘yicha hududiy boshqarmasi holat yuzasidan izoh bergan.
«Dastlabki tekshiruv natijasida xorijiy jurnalistlar faoliyati O‘zbekiston Respublikasi Tashqi ishlar vazirligida oldindan akkreditatsiyadan o‘tmasdan amalga oshirilgani aniqlandi, bu amaldagi qonunchilikni buzish hisoblanadi», — deyiladi xabarda.
Aleksey Pivovarov – taniqli telejurnalist, NTV va boshqa telekanallarda ishlagan, so‘nggi yillarda possovet va uzoq xorij mamlakatlari haqida bir qator ko‘rsatuvlar e’lon qilgan «Redaksiya» YouTube kanali muallifi.
Tavsiya etamiz
Shveytsariyadagi qishloqqa ko‘chib kelgan sayyohlarga 24 ming dollardan pul to‘lanadi
Jahon | 01:36 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27 / 07.06.2025
So‘nggi yangiliklar
-
Karlovi Vari - Yevropaning asosiy sog‘lomlashtirish joyi
Jamiyat | 15:00 / 09.06.2025
-
Rossiyada og‘ir ahvolda qolgan o‘zbekistonliklar vatanga qaytarildi
O‘zbekiston | 00:28
-
Britaniyada 400 mingdan ortiq davlat xizmatchisi sun’iy intellektdan foydalanishga o‘qitiladi
Fan-texnika | 00:07
-
Navoiy uchun Xitoydan 42 ta zamonaviy avtobus olib kelindi
O‘zbekiston | 00:00
Mavzuga oid

20:17 / 25.05.2025
Dron Rossiyaning Shvetsiyadagi elchixonasi hududiga ichida bo‘yoq bo‘lgan idishni tashladi

21:46 / 06.05.2025
Ta’lim sifatini ta’minlash milliy agentligi tashkil etiladi

09:36 / 24.11.2023
O‘zbekiston elchisi YeXHT huzurida akkreditatsiyadan o‘tdi

09:56 / 04.06.2022