16 yoshli yigit «Chorsu» mehmonxonasidan tushib ketib vafot etdi

Bosh prokuraturaning Kun.uzʼga ma’lum qilishicha, holat 28 noyabr kuni sodir bo‘lgan. 2008 yilda tug‘ilgan fuqaro sobiq «Chorsu» mehmonxonasi binosiga tanishi bilan birga ruxsatsiz chiqqan va 21-qavatdan 3-qavatgacha tushib ketib, voqea joyida vafot etgan.

Foto: Kun.uz

“28 noyabr kuni kechki vaqtda Shayxontohur tuman ichki ishlar organlariga tushgan xabarga ko‘ra, Mirzo Ulug‘bek tumanida yashagan, 2008 yilda tug‘ilgan fuqaro Ye.E. sobiq «Chorsu» mehmonxonasi binosiga tanishi bilan birga ruxsatsiz chiqqan. U binoning 21-qavatidan 3-qavatigacha tushib ketib, voqea joyida vafot etgan”, - deyiladi Bosh prokuratura matbuot kotibi Hayot Shamsutdinov Kun.uzʼga taqdim qilgan ma’lumotda.

Marhum yigitning vafot etgani yuzasidan sudga oid tibbiy ekspertizasi tayinlangan. Holat yuzasidan Shayxontohur tuman prokuraturasi tomonidan tergovga qadar tekshiruv harakatlari olib borilmoqda.

#baxsiz hodisa #Chorsu mehmonxonasi