Kipr NATOga kirish niyatida
Kipr Respublikasi prezidenti Nikos Xristodulidis mamlakati Vashington bilan Shimoliy Atlantika ittifoqiga qo‘shilish yo‘llari bo‘yicha muzokaralar olib borayotganini aytdi.

Foto: AFP
Kipr Respublikasi prezidenti Nikos Xristodulidis o‘z mamlakatining NATOga a’zo bo‘lish niyatini tasdiqladi. 28 noyabr, payshanba kuni u jurnalistlarga Nikosiya Vashington bilan ittifoqqa qo‘shilish yo‘llari bo‘yicha muzokaralar olib borayotganini aytdi. Uning so‘zlariga ko‘ra, Turkiyaning e’tirozlari tufayli Kipr Respublikasining NATOga a’zo davlat bo‘la olmasligi mamlakat armiyasini ham modernizatsiya qilish, ham harbiy texnika olish uchun ko‘plab imkoniyatlardan mahrum qiladi. Xristodulidis ta’kidlashicha, Kipr Qo‘shma Shtatlar bilan respublikaning Shimoliy Atlantika alyansidagi a’zoligining uchta taklif qilingan darajasini muhokama qilmoqda.
Nikos Xristodulidis Kiprning tiyib turish imkoniyatlarini kuchaytirish muhim ahamiyatga ega ekanligini ta’kidlab, mamlakat bu yerda ham NATO, ham AQSh orqali, shuningdek, orol ishtirok etayotgan Yevropa Ittifoqi mudofaa dasturlari orqali imkoniyatlar izlayotganini aniq ko‘rsatdi. Xristodulidis Kiprning asosiy afzalligi orolning geografik joylashuvi ekanini aytib, uni «alohida geostrategik ahamiyatga ega» deb atadi. U, shuningdek, orolning harbiy-dengiz va havo bazalarini modernizatsiya qilish bo‘yicha qarorlar allaqachon qabul qilinganini va Kipr Yevropa Ittifoqi bilan dengiz inshootlari va AQSh bilan havo kuchlari bo‘yicha muzokaralar olib borayotganini tasdiqladi.
NATOga a’zo bo‘lish uchun potensial ariza berish muddati haqida so‘ralganda, prezident shunday javob berdi: «Biz bu haqda qancha kam gapirsak, maqsadimizga shunchalik yaqinlashamiz».
Kiprning NATOga qabul qilinishi muhim pretsedent bo‘lishi mumkin
24 noyabr kuni Gretsiyaning «Katimerini» gazetasi mamlakatni Shimoliy Atlantika alyansiga bosqichma-bosqich yaqinlashtirish strategiyasi Xristodulidisning oktyabr oyi oxirida AQSh prezidenti Jo Bayden bilan bo‘lgan uchrashuvida diqqat markazida bo‘lganini xabar qildi. Ta’kidlanishicha, batafsil va puxta o‘ylangan reja uzoq muddatli davrga mo‘ljallangan va bir-biriga bog‘liq bo‘lgan ko‘plab bosqichlardan iborat.
Kiprning NATOga qabul qilinishi muhim pretsedent bo‘lishi mumkin. Alyans qoidalariga ko‘ra, hududiy muammolari hal etilmagan davlat unga kiritilishi mumkin emas. Kipr Respublikasi xuddi shu nomdagi orolning qariyb 60 foizini nazorat qiladi, qolgan qismini tan olinmagan Shimoliy Kipr Turk Respublikasi egallaydi. Kiprning NATOga muvaffaqiyatli a’zo bo‘lish istiqbollari bevosita Kipr mojarosining hal qilinishiga va Turkiya bilan munosabatlarning yaxshilanishiga bog‘liq.
Tavsiya etamiz
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
So‘nggi yangiliklar
-
Argentinada rossiyalik josuslar tarmog‘i fosh qilindi
Jahon | 02:44
-
Eron Trampning so‘zlaridan keyin AQShga norozilik notasi yubordi
Jahon | 01:25
-
Eron Isroilga qarata yangi turdagi ballistik raketani uchirdi
Jahon | 00:36
-
Rossiya Finlandiya chegarasi yaqinida qo‘shinlarini ko‘paytirmoqda – OAV
Jahon | 23:56 / 18.06.2025
Mavzuga oid

15:00 / 18.06.2025
Hegset: AQSh NATOga sodiq qoladi, lekin ittifoqchilardan ko‘proq xarajatlarni kutadi

09:50 / 14.06.2025
Niderlandiya YaIMning 5 foizini mudofaaga sarflashga tayyor

15:20 / 13.06.2025
Germaniya: NATOga yangi maqsadlar uchun 60 minggacha qo‘shimcha askar kerak bo‘ladi

15:14 / 12.06.2025