Yevroittifoq Rossiyaning soyadagi flotiga qarshi sanksiyalar tayyorlamoqda
Yevroparlament Rossiyaning soyadagi flotiga qarshi «maqsadli» choralar ko‘rishni talab etuvchi rezolyutsiyani qabul qilishga tayyorlanmoqda, deb yozadi Politico.

Foto: Vitaly Timkiv/SNA/IMAGO
Yevropa parlamenti Rossiyaning «soyadagi floti»ga qarshi «maqsadli» choralar ko‘rishni talab etuvchi rezolyutsiyani qabul qilishga tayyorlanmoqda. Bu haqda 11 noyabr, dushanba kuni Politico nashri xabar berdi. Nashrning ta’kidlashicha, bu qaror Moskva «sanksiyalardan va ekologik halokatga olib keladigan xavflardan» faol ravishda qochishi bilan bog‘liq.
Yevroparlament takliflari orasida Rossiya neftini tashuvchi kemalarga qarshi sanksiyalar va Yevropa Ittifoqining sun’iy yo‘ldosh orqali monitoringini kuchaytirish hamda tankerlarni «maqsadli tekshirish» bor. Rezolyutsiya, shuningdek, dengiz kemalariga Yevropa suvlarida sug‘urtalanganligini isbotlash uchun yangi talablarni taklif qiladi.
Politico: Rossiyaning «soyadagi floti» butun dunyo bo‘ylab neftni to‘kmoqda
Politico 2024 yil oktyabr oyida SourceMaterial notijorat jurnalistlar guruhi bilan hamkorlikda o‘tkazgan surishtiruvida Rossiyaning «soyadagi floti» tankerlari kamida to‘qqizta neft va neft mahsulotlarining to‘kilishiga sabab bo‘lganini, bu esa butun dunyo bo‘ylab suv sathlarida keng neft dog‘larini qoldirganini xabar qildi.
«Politico va SourceMaterial Tailanddan tortib Vetnam, Italiya va Meksikagacha bo‘lgan hamma joyda «soyadagi flot» bilan bog‘liq bo‘lgan chiqindilarni topdi. Tankerlar Qizil dengiz va Panama kanali kabi band bo‘lgan yuk tashish yo‘laklaridan o‘tgan, bu xalqaro savdo yo‘llarida har qanday jiddiy baxtsiz hodisani keltirib chiqarish mumkinligini anglatadi», deb yozadi jurnalistlar. Ular Ukrainada urush boshlanganidan va Rossiyaga qarshi sanksiyalar qo‘llanganidan beri bu muammo sezilarli darajada yomonlashganini ta’kidlaydilar.
Greenpeace: Rossiya «soya floti» uchun kamida 192 eskirgan tankerdan foydalanadi
2024 yil oktyabr oyi oxirida Greenpeace («Grinpis») xalqaro nohukumat ekologik tashkiloti surishtiruv e’lon qildi, undan kelib chiqadiki, Rossiyaning neftni tashish bo‘yicha «soyadagi floti» kamida 192 eskirgan tankerni o‘z ichiga oladi. Bundan tashqari, ularning 171 tasi so‘nggi ikki yil ichida kamida bir marta Boltiq dengizidagi nemis suvlari va Meklenburg buxtasining bir qismidan o‘tgan.
Tavsiya etamiz
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
So‘nggi yangiliklar
-
O‘zbekistonda Toshkent – Bali yo‘nalishida tarixdagi birinchi to‘g‘ridan to‘g‘ri reys yo‘lga qo‘yilmoqda
Jamiyat | 19:00 / 17.06.2025
-
Qirg‘iziston poytaxtida blekaut yuz berdi
Jahon | 18:40
-
Xitoy Markaziy Osiyo mamlakatlariga 209 million dollar mablag‘ni beg‘araz ajratadi
Jahon | 18:33
-
Xomanaiy agar AQSh harbiy mojaroga aralashsa «muqarrar javob» bilan tahdid qildi
Jahon | 18:25
Mavzuga oid

14:16
Sud Rossiyaning Domodedovo aeroportini milliylashtirdi

12:30
AQShda Rossiyaga bosim strategiyalari bo‘yicha ishchi guruh tarqatib yuborildi

23:17 / 17.06.2025
KXDR ishchilari Rossiyaning Kursk viloyatini tiklash uchun yuboriladi

18:46 / 17.06.2025