Rossiyada migrantlar uchun imtihonlarning yagona narxlari belgilanadi
Rossiya Ta’lim va fan vazirligi migrantlar uchun rus tili, Rossiya tarixi va qonunchilik asoslarini bilish bo‘yicha imtihon topshirishning yagona narxlarini belgilashni taklif qildi.

Foto: Artem Jitenev
Tegishli qaror loyihasi normativ-huquqiy hujjatlar loyihalari portalida e’lon qilindi.
Hujjatga ko‘ra, vazirlik quyidagi yagona narxlarni taklif qiladi:
- fuqarolikni olish uchun rus tilidan imtihon - 2950 rubl (1 rubl ≈ 155 so‘m);
- fuqarolikni olish uchun tarix va qonunchilik asoslari bo‘yicha imtihon - 2950 rubl;
- vaqtinchalik yashash uchun ruxsatnoma (VYaR) yoki yashash uchun ruxsatnoma (YaR) olish uchun rus tili, tarix va qonunchilik asoslari bo‘yicha imtihon - 5900 rubl;
- ishlash uchun ruxsatnoma yoki patent olish uchun rus tili, tarix va asosiy qonunchilik bo‘yicha imtihon - 3800 rubl.
Hozir bunday imtihonlar uchun yagona qat’iy narx yo‘q. Hozirgi vaqtda imtihon o‘tkazadigan tashkilot bunday xizmat narxini hisoblab chiqadigan formulani belgilaydigan hukumat qarori mavjud. Xuddi shu qaror xizmatning maksimal narxini belgilab berdi. Bu, aslida, Ta’lim va fan vazirligi hozir doimiy deb belgilashni taklif qilayotgan miqdorga to‘g‘ri keladi: vaqtinchalik yashash uchun ruxsat yoki yashash uchun ruxsatnoma uchun - 5900 rubl, ishlash uchun ruxsatnoma yoki patent uchun - 3800 rubl.
Imtihonlar uchun yagona narxning joriy etilishi Davlat Dumasi 29 oktyabr kuni «Rossiya Federatsiyasida xorijiy fuqarolarning huquqiy holati to‘g‘risida»gi qonunga o‘zgartirishlar qabul qilgani bilan bog‘liq. Mazkur o‘zgarishlarga ko‘ra, imtihonlarni faqat davlat muassasalari qabul qilishi va o‘tkazishi mumkin hamda yagona xarajat belgilanadi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Bir nechta tashkilotlar Enter Engineering kompaniyasini sudga berdi
O‘zbekiston | 17:39
-
Qirg‘izistonning O‘sh shahrida Lenin haykali buzib tashlandi
Jahon | 17:34
-
Kelajakka tikilgan sarmoya: Oltiariqda yangi maktab binosi foydalanishga topshirildi
O‘zbekiston | 17:00
-
Hindiston va Markaziy Osiyo davlatlari foydali qazilmalarini birgalikda izlashga kelishib oldi
Jahon | 16:51
Mavzuga oid

13:16
Zelenskiy: «Kim Rossiyaga bosim o‘tkazmasa, u sherikdir»

10:22
Ekspertlar: Rossiyaga bombardimonchilarni almashtirish uchun yillar kerak bo‘ladi

09:41
RFda sudlangan amerikalik Tater Rossiyani tark etdi

09:03