Porsche qimmatbaho qahva mashinasi va qahva maydalagichni taqdim etdi
Ular mashhur italyan firmasi bilan hamkorlikda yaratilgan, dizaynida esa Porsche 911 avtomobilidan ilhomlanilgan.

Foto: AP
Italiyaning La Marzocco firmasi Porsche brendi bilan hamkorlikda kam sonli va juda qimmat qahva mashinalari hamda qahva maydalagichlarini taqdim etdi. Ularning dizayni Porsche 911 GT3 Touring avtomobilidan ilhomlanib yaratilgan.
Birinchi yangilik — haroratni professional darajada barqaror saqlovchi Porsche x La Marzocco Linea Micra ikki boylerli qahva mashinasi. U sut ko‘pirtirish moslamasi bilan jihozlangan “shoxli” model hisoblanadi.
Ishlab chiqaruvchilarning aytishicha, qahva mashinasidagi aylanma tutqichlar so‘nggi Porsche avtomobillarining asboblar panelidan ilhomlangan. Barometr 911 modelidagi tezlik o‘lchagich dizaynini eslatadi, taglik esa GT3 Touring avtomobilining old bufer panjarasi tashqi ko‘rinishini aks ettirgan.
Ikkinchi yangilik — Porsche x Pico Espresso Grinder qahva maydalagichi. U shovqinsiz dvigatel, muayyan miqdorni tanlash imkoniyatini beradigan, magnitli vilka-portalfiltr bilan boshqariladigan va 300 gramm qahva donasini sig‘dira oladigan avtomatik yopiluvchi bunker bilan jihozlangan. Qahva maydalagich 18 gramm og‘irlikdagi porsiyani 10 soniyadan kam vaqt ichida maydalab beradi.
Porsche dizaynidagi qahva mashinasi va qahva maydalagich qancha turadi?
Porsche x La Marzocco Linea Micra qahva mashinasi ikki xil rangda sotiladi: Slate Grey (kulrang) va Martini Racing Edition (qizil-havorang elementlari bor kumush). Birinchisi 6555 dollarga, ikkinchisi 6949 dollarga baholangan. Ushbu modelning Porsche brendisiz oddiy versiyasi 3900 dollar turadi.
Porsche x Pi Espresso Grinder qahva maydalagichining narxi 1840 dollarni tashkil etadi. Ikkala qurilmaning cheklangan soni 911 dona. Sotuvlar 23 oktyabrda boshlangan bo‘lsa-da, qahva mashinalarining barchasi bir kundan ham kamroq vaqt ichida sotilib ketdi.
Tavsiya etamiz
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
«Siti» va «Real»da qayta qurish boshlandi. Yozning ilk haftalaridagi transferlar
Sport | 18:12 / 15.06.2025
AQSh–Eron muzokaralari taqdiri nima bo‘ladi?
Jahon | 23:29 / 14.06.2025
Parkentda 3 bola suvga cho‘kib halok bo‘ldi
Jamiyat | 20:35 / 14.06.2025
So‘nggi yangiliklar
-
O‘zbekistonda Toshkent – Bali yo‘nalishida tarixdagi birinchi to‘g‘ridan to‘g‘ri reys yo‘lga qo‘yilmoqda
Jamiyat | 19:00 / 17.06.2025
-
"O‘zbekinvest" EISK AJ va Slovakiyaning EXIMBANKA SR o‘rtasida hamkorlik to‘g‘risida bitim imzolandi
O‘zbekiston | 09:42
-
Chaqalog‘ini 10 mln so‘mga sotmoqchi bo‘lgan ayolga hukm o‘qildi
Jamiyat | 09:24
-
“Aybsiz bo‘lsa, nega yashirinib yuribdi?” – Farg‘ona viloyati IIB restoranga uyushtirilgan “maska-shou”ga izoh berdi
Jamiyat | 09:14
Mavzuga oid

19:58 / 03.04.2025
Porsche konserni tank ishlab chiqarishni boshlashi mumkin

19:21 / 27.02.2024
Porsche bilan hamkorlikdagi 2699 yevrolik buklamafon va AIʼga integratsiyalashgan Magic 6 Pro - Honorʼdan yangi gadjetlar

15:41 / 11.05.2023
“Ikkitasi birda”: Bentley’dan Porsche’gacha - yo‘ltanlamas sportkarlar (fotojamlanma)

15:37 / 14.12.2019