Rossiya armiyasidan Qozog‘istonga qochgan 6 nafar dezertir Yevropa vizasini oldi
Rossiyalik dezertirlarga Yevropaga ketish imkoniyatini qo‘lga kiritishlarida qozog‘istonlik faollar, shuningdek, inson huquqlari himoyachilari yordam ko‘rsatmoqda.

Foto: RIA Novosti
Rossiyada armiyadan qochib, Qozog‘istonga borgan olti nafar harbiy xizmatchiga 2024 yilning may oyida Yevropaga kirishga ruxsat berilgan. Oktyabr oyida ularning barchasi Fransiyaga yetib borib, boshpana uchun so‘rov berish jarayonini boshladi, deb yozadi BBC.
Rossiyalik dezertirlarga Yevropaga ketish imkoniyatini qo‘lga kiritishlarida qozog‘istonlik faollar, shuningdek, inson huquqlari himoyachilari yordam ko‘rsatmoqda. Fransiyaga ketishga muvaffaq bo‘lgan dezertirlardan biri Anton bo‘lib, u Ukrainada yarim yilga yaqin xizmat qilgan (Anton Rossiya qo‘shinlarining to‘laqonli hujumidan oldin xizmatda bo‘lgan). Anton 2022 yil avgustda ta’tilga chiqqan, Rossiyada safarbarlik e’lon qilinganida, Qozog‘istonga qochib ketgan. U yerda yigit mahalliy huquq himoyachisi Artur Alxastov bilan tanishgan va ular birgalikda boshqa rossiyalik dezertirlarga yordam ko‘rsatishni boshlagan.
Qozog‘istondagi faollar armiyadan qochgan rossiyaliklarning harbiy jinoyatlarga aloqasi bor yoki yo‘qligini tekshiradi, Fransiya va Germaniyadagi rus huquq himoyachilari Yevropa hukumatlari bilan kelishishga erishib, ularning mamlakatga kirishiga hujjatlarni tayyorlashda yordam beradi.
BBC’ning yozishicha, Yevropaga kirish imkoniyatini qo‘lga kiritgan qolgan besh nafar dezertir Ukrainagacha yetib bormagan. Artur Alxastovning so‘zlariga ko‘ra, ular orasida kadroviy ofitserlar va safarbarlikka jalb etilgan ikki nafar harbiy xizmatchi ham bor. Ta’kidlanishicha, Qozog‘istonda hamon armiyadan qochgan ko‘plab rossiyalik harbiy xizmatchilar qolmoqda.
«O‘rmondan yuring» loyihasi asoschisi Grigoriy Sverdlinning qayd etishicha, hozirda Armaniston va Qozog‘istonda yuzlab rossiyalik dezertirlar mavjud. Ikkala mamlakat ham xavfsiz hisoblanmaydi, chunki u yerdan dezertirlarni Rossiya maxsus kuchlari tutib olib ketgan holatlari mavjud.
Tavsiya etamiz
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
“Saviyasiz millat o‘zini o‘zi yo‘q qiladi” – Qozoqboy Yo‘ldoshev
Jamiyat | 15:21 / 01.06.2025
Ish staji yetarli bo‘lmasa ham pensiya tayinlanadimi?
O‘zbekiston | 10:03 / 31.05.2025
Eng ko‘p tug‘ilish qayd etilgan hudud ma’lum qilindi
O‘zbekiston | 11:34 / 30.05.2025
So‘nggi yangiliklar
-
“Asialuxe Travel” Qurbon hayiti sharafiga aksiya e’lon qildi – 50% gacha chegirma
Jamiyat | 17:00 / 02.06.2025
-
«Chelsi»ni sotishdan tushgan pul: London Abramovichga sud bilan tahdid qilmoqda
Jahon | 12:35
-
Rossiya telekanallari ko‘priklar portlatilishi va harbiy aerodromlarga hujumlarni qanday yoritdi?
Jahon | 12:10
-
O‘rmon agentligi tashkil etildi
O‘zbekiston | 12:01
Mavzuga oid

11:15
Pentagon rahbari Ukraina bo‘yicha aloqa guruhi uchrashuvida qatnashmaydi

08:38
Rossiya iqtisodiy rivojlanish vaziri: Mamlakat iqtisodiyoti sovish davriga kirdi

00:44
Rossiyada o‘zbekistonlik ishchining boshiga ichida sement bo‘lgan chelak tashlab yuborildi

22:07 / 03.06.2025