Komil Allamjonov ustoz va murabbiylarni tabrikladi

Komil Allamjonov ustoz va murabbiylarni bayram bilan tabrikladi va sun’iy intellekt imkoniyatlaridan foydalanishga chaqirdi.

«Barcha ustoz va murabbiylarni bugungi bayram bilan tabriklayman. Va barcha ta’lim sohasi vakillariga tilagim, murojaatim, iltimosim shuki, zudlik bilan sun’iy intellekt imkoniyatlarini o‘rganing. Undan amalda foydalaning. Uning taraqqiyotini prognoz qilishga urinib ko‘ring va ta’lim dasturlarini shunga moslashtirishga harakat qiling. Unga o‘yinchoqdek qaramang. Bu xuddi «knopka»lik telefonlar davri tugab, smartfonlar davri boshlangandek gap. Bu xuddi internet yo‘q edi va paydo bo‘lgandek gap. Bu bugungi davr revolyutsiyasi», deb yozdi u.