Toshkent – Moskva yo‘nalishida yo‘lovchi poyezdlar qatnovi qayta tiklandi

Ushbu qatnov 2020 yilda COVID-19 pandemiyasi tufayli to‘xtatilgan edi.

Foto: O‘zbekiston temir yo‘llari

24 sentabrdan boshlab Toshkent – Moskva – Toshkent yo‘nalishida yo‘lovchi poyezdlari qatnovi yo‘lga qo‘yildi. Bu haqda «O‘zbekiston temir yo‘llari» AJ xabar berdi.

Ushbu qatnov 2020 yilda COVID-19 pandemiyasi tufayli to‘xtatilgan edi. 2022 yildan xalqaro poyezd qatnovlari tiklana boshladi.

Qayd qilinishicha, 24 sentabr kuni Toshkent – Moskva poyezdi «Toshkent-Markaziy» temir yo‘l vokzalidan yo‘lga chiqdi va Qozog‘istonning «Sariog‘och», «Aris», «Timur», «Turkiston», «Yangiqo‘rg‘on», «Shiyeli», «Qizilo‘rda», «Josali», «Toretam», «Kazali», «Aral», «Sekseul», «Shalkar», «Jyem», «Kandiag‘ach», «Oqto‘be» hamda «Jaysan» temir yo‘l vokzallarida to‘xtab o‘tadi. Shuningdek, Rossiyaning «Ilesk», «Orenburg», «Sorachinsk», «Buzuluk», «Samara», «Ryazan-1», «Kuznetsk», «Penza-1», «Marjansk», «Ryask-1», «Skopin» vokzallariga, 27 sentabr kuni Moskvadagi «Paveletskiy» temir yo‘l vokzaliga yetib boradi.

Moskva – Toshkent yo‘nalishidagi 506-sonli poyezd qatnov esa 28 sentabr kuni Moskva vaqti bilan soat 5:40 da «Paveletskiy» vokzalidan Toshkent shahri tomon harakatni boshlaydi. Poyezd 1 oktyabr kuni Toshkent vaqti bilan 8:25 da yetib keladi.

Toshkent – Moskva – Toshkent yo‘nalishida yo‘lovchi poyezdlar qatnovi haftada 1 marta amalga oshiriladi.

#Moskva #temiryo‘l #O‘zbekiston temir yo‘llari