Xitoy ko‘p qutbli dunyo to‘g‘risida bayonot berdi
XXR tashqi ishlar vaziri Van Ining ta’kidlashicha, Afrika davlatlari xalqaro huquqqa asoslangan tartibni himoya qilish yo‘lida Xitoy bilan ko‘p qutbli dunyoni qurishi kerak.

Foto: Xitoy Tashqi ishlar vazirligi
Afrika davlatlari xalqaro huquqqa asoslangan tartibni himoya qilish uchun Xitoy bilan hamkorlikda teng huquq va tartibga ega ko‘p qutbli dunyoni qurishi kerak. Bu haqda Xitoy tashqi ishlar vaziri Van I tomonidan e’lon qilingan bayonotda so‘z boradi.
«Oxirgi yillarda dunyoda turbulentlik va o‘zgarishlarning yangi davri kuzatilmoqda. Shu bilan birga, xalqaro maydonda ro‘y berayotgan voqealarga qaramay, Xitoy va Afrikaning halol va adolatli dunyo tartibini ta’minlashda yelkama-yelka turib ishlashga bo‘lgan intilishi o‘zgarishsiz qolmoqda», — deydi diplomat.
Van Ining ta’kidlashicha, Xitoy «teng va tartibli ko‘p qutbli dunyo» hamda keng qamrovli iqtisodiy globallashuv tarafdori.
«Xitoy va Afrika birgalikdagi sa’y-harakatlari bilan haqiqiy ko‘p yoqlilikni himoya qiladi, gegemonizm va proteksionizmga qarshi turadi, xalqaro huquqqa asoslangan xalqaro tartibni qat’iy qo‘llab-quvvatlaydi. Ular, shuningdek, global janubning umum qabul qilingan qonuniy huquq va manfaatlarini qat’iyat bilan himoya qilib, dunyo tinchligi va global taraqqiyotni saqlashga hissa qo‘shadilar», — deya qayd etadi Xitoy TIV rahbari.
Eslatib o‘tamiz, 2023 yil sentabrda Xitoy Yevropa Ittifoqi bilan hamkorlikni kuchaytirish istagini bildirgandi. «Xitoy va Yevropa ko‘p qutbli dunyoning yirik kuchlari va global taraqqiyotning asosiy dvigatellari sifatida birdamlik va hamkorlikni yanada kuchaytirishi kerak», degan edi Xitoy Davlat kengashi bosh vaziri Li Tsyan Nyu-Dehlidagi G20 sammiti chog‘ida Yevropa komissiyasi raisi Ursula fon der Lyayyen bilan suhbatda.
Tavsiya etamiz
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
«Siti» va «Real»da qayta qurish boshlandi. Yozning ilk haftalaridagi transferlar
Sport | 18:12 / 15.06.2025
AQSh–Eron muzokaralari taqdiri nima bo‘ladi?
Jahon | 23:29 / 14.06.2025
Parkentda 3 bola suvga cho‘kib halok bo‘ldi
Jamiyat | 20:35 / 14.06.2025
So‘nggi yangiliklar
-
O‘zbekistonda Toshkent – Bali yo‘nalishida tarixdagi birinchi to‘g‘ridan to‘g‘ri reys yo‘lga qo‘yilmoqda
Jamiyat | 19:00
-
Tramp Erondan «so‘zsiz taslim bo‘lishni» talab qildi
Jahon | 21:59
-
Hindiston Pokistonga oqadigan daryolarning «ortiqcha suvini» o‘z hududiga yo‘naltirmoqchi
Jahon | 21:50
-
Dunyodagi eng yaxshi aviakompaniyalar reytingi tuzildi
Jahon | 21:13
Mavzuga oid

08:20 / 26.04.2025
Baxtiyor Saidov Xitoy tashqi ishlar vaziri Van I bilan uchrashdi

17:43 / 04.04.2025
Xitoy Trampning chaqirig‘ini qabul qildi va javob qaytardi

16:27 / 04.04.2025
Xitoy AQSh tovarlariga boj tariflarini oshiradi

17:04 / 03.04.2025