X ijtimoiy tarmog‘i noqonuniy ishdan bo‘shatilgan xodimiga 550 ming yevro kompensatsiya to‘laydi
Ilon Mask ijtimoiy tarmoqni sotib olganida barcha xodimlarga elektron maktub yo‘llab, qolishni istaganlardan «ha» tugmasini bosishni so‘ragan. Tugmani bosmagan xodim esa «o‘z xohishiga ko‘ra» ishdan bo‘shatilgan.

Foto: Getty Images
Irlandiya Mehnat munosabatlari komissiyasi (WRC) X ijtimoiy tarmog‘iga (sobiq Twitter) mehnat munosabatlarini buzgan holda ishdan bo‘shatilgan sobiq xodim uchun yarim million yevrodan ortiq kompensatsiya to‘lash majburiyatini qo‘ydi. Bu komissiya faoliyatida qayd etilgan rekord darajadagi jarima, deb xabar beradi Irish Independent.
Ishdan bo‘shatilgan xodim Geri Runi 2013 yildan beri Twitter’da ishlagan. 2022 yil oktyabrda milliarder Ilon Mask kompaniyani sotib olganida Runi Dublin ofisida ta’minot xizmatiga rahbarlik qilgan. Mask Twitter’ning barcha xodimlariga kompaniyaning yangi konsepsiyasi yozilgan elektron maktublarni yo‘llagan. Milliarder xabar oxiriga havola qoldirgan bo‘lib, «yangi Twitter’ning bir bo‘lagi» bo‘lishga rozi bo‘lgan xodimlar u yerdagi «ha» tugmasini bosishi kerak bo‘lgan. Qaror qabul qilish uchun 24 soat muddat berilgan.
Geri Runi «ha» tugmasini bosmagan va uch kundan keyin elektron pochta orqali kompaniya «uning o‘z xohishi bilan ishdan ketish qarorini qabul qilishi» haqida xabar olgan. Shu ondan boshlab uning Twitter tizimlaridan foydalanishi cheklangan. Runi «ishdan bo‘shash haqida ariza yozmagani» mehnat shartnomasini buzish bo‘yicha hech qanaqa bitim olmagani va uni imzolamaganini» aytib bosh ofisga murojaat qilgan. Keyin esa Mehnat munosabatlari komissiyasiga shikoyat kiritgan. Runining so‘zlariga ko‘ra, u yuborilgan maktubni feyk, spam yoki zararli dasturiy ta’minot deb o‘ylagan va uni darhol ochmagan. O‘qib ko‘rganida esa tezda qaror qabul qilishi qiyin kechgan.
WRC Geri Runi adolatsiz ravishda ishdan bo‘shatilgan deb hisobladi. Komissiya qarori bilan Twitter da’vogarga 2023 yil yanvardan 2024 mayga qadar ishlab topishi mumkin bo‘lgan 350 ming yevro, shuningdek, keyingi oylar davomida daromaddan ayrilgani uchun 200 ming yevro miqdorida kompensatsiya to‘lashi kerak. X hozircha komissiya qaroriga hech qanday izoh bermadi.
Tavsiya etamiz
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
So‘nggi yangiliklar
-
Shavkat Mirziyoyev «Oltin bel» cho‘qqisidagi tog‘-chang‘i kurorti loyihasi bilan tanishdi
Jahon | 23:06
-
Eronda internetga kirish cheklab qo‘yildi
Jahon | 22:21
-
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13
-
Boysun o‘rmonida yirik yong‘in, muammoli avtobus bekatlari, vasiy tayinlangan yuzlab bolalar – mahalliy dayjest
O‘zbekiston | 22:03
Mavzuga oid

17:26 / 11.06.2025
Mask Tramp haqidagi ayrim postlari uchun uzr so‘radi

18:40 / 09.06.2025
Tramp agar Mask demokratlar tomoniga o‘tsa, uni jazolashga va’da berdi

15:04 / 09.06.2025
Maskning otasi Moskvada: Ilon xatoga yo‘l qo‘ydi

14:55 / 08.06.2025