Britaniya suvosti kemalarida foydalanilgan kodlarni belarus dasturchilari yozgani ma’lum bo‘ldi
Buyuk Britaniya Mudofaa vazirligi mazkur holatni mamlakat xavfsizligiga tahdid deya baholagan va tergovni boshlagan.

Foto: Getty images
Britaniya atom suvosti kemalari muhandislari xavfsizlik qoidalariga zid ravishda rus va belarus dasturiy ta’minotlaridan foydalanmoqda. Bu haqda The Telegraph xabar berdi.
Gap intranet — suvosti kemalari muhandislari uchun xuddi internet kabi ishlaydigan, biroq undan izolyatsiyalangan ichki tarmoq haqida ketmoqda. Dasturlar maxfiy ma’lumotlar bilan ishlash bo‘yicha ruxsatga ega britaniyalik xodimlar tomonidan yaratilishi kerak. Shartnoma tuzgan WM Reply firmasi buyurtmalarni qisman Minsk kompaniyasi dasturchilariga topshirgan.
Gazetaning yozishicha, dasturiy koddan suvosti kemalari joylashgan hududlarni aniqlashda foydalanilishi xavfi mavjud. Buyuk Britaniya Mudofaa vazirligi mazkur holatni mamlakat xavfsizligiga tahdid deya baholagan va tergovni boshlagan. Tergov davomida dasturiy ta’minotni ishlab chiqish ishonib topshirilgan firma ishni xorijlik mutaxassislarga bergani va bu faktni yashirishga uringani aniqlangan.
Bundan tashqari, WM Reply top-menejerlari belaruslarning ishtirokini yashirish maqsadida britaniyalik dasturchilarga kodni Buyuk Britaniyada yozilgandek o‘zgartirishni topshirgan.
Ta’kidlanishicha, bu birgina suvosti kemalariga tahdid tug‘dirmaydi, chunki firma javobgar bo‘lgan oldingi buyurtma ham minsklik dasturchilar bilan hamkorlikda bajarilgan.
WM Reply vakillari o‘z harakatlari milliy xavfsizlikni tahdid ostida qoldirgani aytilayotgan taxminlarni rad etdi. Firma muntazam ravishda o‘z ish jarayonlarini kuzatib borishi va xavfsizlik sohasidagi mijozlari talabini hurmat qilishini bildirdi.
Britaniya, suvosti kemalari, dasturchilar
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
«Missiya yakunlandi». «Vagner» XHK Malidan ketishini e’lon qildi
Jahon | 20:33
-
Shomurodov o‘ynaydigan «Roma»ga yangi bosh murabbiy tayinlandi
Sport | 20:32
-
Qozog‘iston harbiylari Buyuk Britaniyada tayyorgarlikdan o‘tadi
Jahon | 20:14
-
Tramp Germaniyaga Rossiya gazi o‘rniga amerikanikini taklif qildi
Jahon | 19:40
Mavzuga oid

20:14
Qozog‘iston harbiylari Buyuk Britaniyada tayyorgarlikdan o‘tadi

22:15 / 03.06.2025
Britaniya Abramovichdan «Chelsi»ni sotishdan tushgan mablag‘ni Ukrainaga berishni talab qildi

18:41 / 02.06.2025
Starmer Buyuk Britaniya «urushga tayyorgarlik» rejimiga o‘tayotganini e’lon qildi

21:17 / 01.06.2025