Qoʻshimcha funksionallar
-
Tungi ko‘rinish
Adolatsiz qaror chiqargan sudya 4 yilga ozodlikdan mahrum qilindi
Nurafshon tumanlararo ma’muriy sudi sudyasi jinoiy jazoga tortildi. U ommaviy-huquqiy nizolar bilan bog‘liq ishlarni ko‘rish vaqtida 27 ta holatda adolatsiz qaror chiqargan.
Nurafshon tumanlararo ma’muriy sudi sudyasi A.A. adolatsiz qaror chiqargani uchun sudlanib, ozodlikdan mahrum etildi. Kun.uz sud hukmi bilan tanishdi.
Sud hujjatida keltirilishicha, 50 yoshli A.A. Nurafshon tumanlararo ma’muriy sudining sudyasi lavozimida ishlab, ommaviy-huquqiy nizolar bilan bog‘liq ishlarni ko‘rish vaqtida o‘z mansab vakolatlarini suiiste’mol qilgan. U 2021-2022 yillar davomida 27 ta holatda Yer kodeksi, prezident, Vazirlar Mahkamasining tegishli farmon va qarorlari talablariga zid ravishda hokimlik hamda kadastr idoralarining yer (bino-inshootlar) bilan bog‘liq qarorlarini haqiqiy emas deb topib, ular zimmasiga majburiyatlar yuklash haqida adolatsiz hal qiluv qarorlari qabul qilgan.
A.A. tomonidan qabul qilingan ushbu 27 ta hal qiluv qarorining barchasi Toshkent viloyat ma’muriy sudi apellyatsiya instansiyasi qarorlari bilan bekor qilingan.
Sudya o‘zi sudlanuvchi sifatida ishtirok etgan sud majlisida aybiga iqror bo‘lmasdan, faoliyati davomida ishlarni ko‘rishda tegishli protsessual normaga tayangan holda qonunga amal qilganini, xolis yondashganligini bildirgan. U mazkur hal qiluv qarorlarini qabul qilishida hech qanday moddiy manfaatdorlik bo‘lmaganligini aytib, suddan adolatli hukm chiqarishni so‘ragan.
Jinoyat ishlari bo‘yicha Olmazor tuman sudining 2024 yil 4 iyuldagi hukmi bilan A.A. Jinoyat kodeksining 231-moddasi 1-qismi (Oldindan bila turib, adolatsiz hukm, hal qiluv qarori, ajrim yoki qaror chiqarish) bilan aybli deb topilgan. Unga 2 yil sud idoralarida ishlash huquqidan mahrum qilingan holda 4 yil muddatga ozodlikdan mahrum qilish jazosi tayinlangan. Jazoni manzil koloniyalarida o‘tash belgilangan.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
Mavzuga oid

19:53 / 03.07.2025
Yangiariqda ushlangan sudya ishi yuzasidan qo‘shimcha ma’lumot berildi

14:12 / 25.06.2025
Xorazmda fuqaro oqlanganidan so‘ng ham 207 kun qamoqda o‘tirdi. Xatolikka yo‘l qo‘ygan sudyalarga “hayfsan” berildi

13:34 / 10.06.2025
Sudyaga qonunga xilof ravishda ta’sir o‘tkazganlik uchun javobgarlik belgilanmoqda

15:25 / 02.06.2025