Qoʻshimcha funksionallar
-
Tungi ko‘rinish
Rossiya FXX 2 mln dollar evaziga yadroviy bombardimonchi samolyotni olib qochishga urinishning oldini oldi
FXXga ko‘ra, samolyotni olib qochishni Ukraina tashkillashtirishga uringan. Rossiya maxsus xizmatlari Tu-22M3 strategik bombardimonchi samolyotining uchuvchisini og‘dirib olishga urinishning oldini olishgani to‘g‘risida hisobot bergan.
Tu-22M3 strategik bombardimonchi samolyoti. Foto: agtf.ru
Ma’lum qilinishicha, Ukraina razvedkasi rossiyalik uchuvchini o‘zlari tomonga og‘dirib, agar samolyotni o‘g‘irlab olib kelolsa, unga Italiya fuqaroligini va’da qilib, evaziga 2 mln dollar ham bermoqchi bo‘lgan, deb yozadi Interfax.
Bu harbiy uchoqni olib qochishga birinchi urinish emas. 2022 yilda Ukraina razvedkasi rossiyalik uchuvchilarni pora va Yevropa Ittifoqi fuqaroligi evaziga samolyotlarni olib qochishga ko‘ndirmoqchi bo‘lgan. Jangovar parvoz chog‘ida Su-24, Su-34 yoki Tu-22M3 samolyotlaridan biri Kirovograd oblastidagi Kanatovo aerodromiga qo‘ndirilishi kerak bo‘lgan.
Ukraina maxsus xizmatlarining muvaffaqiyatli yakunlangan operatsiyasi ham bo‘lgan. 319-alohida vertolyot polkida xizmat qilgan Maksim Kuzminov 2023 yilning 9 avgustida Mi vertolyotida Kursk oblastidan Ukraina hududiga 2 ta uchuvchi bilan birga uchib o‘tgan. Uning sheriklarini vertolyot qo‘nganidan so‘ng o‘ldirishgan.
Vertolyotni Ukrainaga topshirgani uchun u 500 ming dollar mukofot olgan. Igor Shevchenko nomiga rasmiylashtirilgan Ukraina pasportini olgach, u Ispaniyaning Vilyaxoyosa shahridan uy sotib olgan. Maksim Kuzminov 2024 yilning fevral oyida o‘z uyining yerto‘lasidagi avtoturargohda noma’lum odamlar tomonidan otib ketilgan.
Rossiya-Ukraina urushi
Mavzuga oid
19:33
Kriviy Rihda raketa zarbasi qurboni bo‘lgan bolalar bilan vidolashishdi - fotolar
17:12
Xitoy o‘z fuqarolarining Rossiya tomonida turib Ukrainadagi urushda ishtirok etayotganini rad etdi
14:15
Belgiya Ukrainaga milliard yevro va F-16 qiruvchilarini beradi
11:58