«Cobalt’ni turmush o‘rtog‘imga sovg‘a qildim» – kitobxonlik tanlovida yutgan yosh ona hikoyasi
Gulhayo Soliyeva - bu yilgi «Yosh kitobxon» tanlovining g‘olibasi, u kitob o‘qigani uchun onalik ta’tili davrida mashinali bo‘ldi. «Ba’zi oilalarda qiz farzandlarini o‘qitishni xohlashmaydi, lekin bizda unday bo‘lmagan», deydi u. Kun.uz’ning "Mikrofon qizlarda" loyihasi navbatdagi sonida Gulhayo yosh bolali bo‘lishiga qaramay vaqtni qanday tarzda to‘g‘ri taqsimlab o‘qish va o‘rganishga imkon topish mumkinligi haqida gapirib berdi.

«Dadam hamma bolasini o‘qitishni niyat qilgan»
Farzand oilada ko‘rganini qilib katta bo‘ladi. Ota-onam o‘zlari oliy ma’lumotli bo‘lmasa ham, farzandlari o‘qishlari uchun hamma sharoitni qilib berishgan, biz buni ko‘rib katta bo‘lganmiz.
Ba’zi oilalarda qiz farzandlarini o‘qitishni xohlashmaydi, lekin bizda unday bo‘lmagan. Dadam «Hamma qizlarimni o‘qitib, oliy ma’lumotli qilaman», deb niyat qilgan.
Men birinchi yildan o‘qishga kira olmaganman. Bu payti sinfdosh qizlarning deyarli hammasi turmushga chiqib bo‘lgandi. Lekin uydagilar menga oila qurish haqida gap ochmagan. Litseyda o‘qigan paytlarim ham abituriyent bo‘lib onamga yordam bera olmas edim. Ota-onam mehribonliklari sabab bizga hech ish buyurishmas edi. Bir yillik "yiqilish"dan so‘ng ikkinchi yil Xalqaro islom akademiyasiga o‘qishga kirdim. Faqat kontrakt asosida o‘qiganman.
Akam kontraktimga yordam bergan, meni moliyaviy qo‘llab-quvvatlagan.
O‘qishni tugatib, o‘z mahalladoshimga, o‘zim bilan bitta OTMda o‘qigan insonga turmushga chiqdim, bu borada ham ota-onam tanlovimni qo‘llab-quvvatlagan.
«Yosh kitobxon» tanlovi
Kitobxonlik tanlovi haqidagi roliklarni doimiy kuzatib borardim, lekin tanlovga doimiy qatnashib yurmasdim. O‘tgan yili yaqin dugonam «Yosh kitobxon»ga qatnashdi va shundan so‘ng menda ham qiziqish oshib, bu yil tanlovda qatnashdim.
Tanlovga tayyorlanishda yosh farzandim bo‘lgani sabab biroz qiyinchiliklar bo‘ldi. Lekin turmush o‘rtog‘im yordam berib, ishdan kelganidan so‘ng ham kitob o‘qishimga sharoit qilib berardi.
Tanlovda qatnashib, o‘zimda kitobxonlikni odat sifatida shakllantirdim. Avval bo‘sh vaqtimda kitob o‘qigan bo‘lsam, hozir kun davomida kitob o‘qish uchun vaqt ajratishni odat qilganman. Bundan tashqari, kitobxonlik tanlovida qatnashishni maqsad qilgan yoshlarga yordam beruvchi yo‘naltiruvchi Telegram-guruhi ochganman. Ingliz tilim ustida ham ishlayapman, magistraturaga topshirishni reja qilganman.
«Kitob o‘qiganim uchun Cobalt berishdi»
Kitobni o‘zimiz uchun o‘qiymiz, lekin shu o‘qiganimiz uchun Cobalt sovg‘a qilishdi. Mashinani turmush o‘rtog‘imga sovg‘a qildim, sababi biz bir oila bo‘lganimizdan so‘ng yutuq ham ikkimizniki.
Kitobxonlarga tavsiyalar
Jyeyms Klirning «Atom odatlar» kitobini va O‘tkir Hoshimovning barcha asarlarini o‘qishni tavsiya qilaman. «Atom odatlar» kitobini o‘qiganimdan so‘ng ishlarimni reja qilishni boshlagandim.
Inson o‘zi xohlasa, istaganlariga erishsa bo‘lar ekan. Yoshlik davri o‘tkinchi, 15-25 yosh oralig‘ida ilm olib, hunar o‘rganib, kelajak uchun poydevor yaratib olish zarur. Shuning uchun vaqtdan unumli foydalanishni tavsiya qilgan bo‘lardim.
Zilola G‘aybullayeva suhbatlashdi.
Tavsiya etamiz
Tramp bilan urushib qolgan Mask yangi partiya tuzmoqda
Jahon | 15:19 / 06.07.2025
Olti muloqot, natija nol. Ukraina yolg‘iz qoladimi?
Jahon | 13:10 / 06.07.2025
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
Jahon | 23:34 / 04.07.2025
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
So‘nggi yangiliklar
-
Stradivarining Ikkinchi jahon urushi vaqtida o‘g‘irlangan skripkasi Tokiodan topildi
Jahon | 01:59
-
Toshkentda 19 yoshli qiz harakatdagi Nexiaʼdan sakrab tushib qoldi
Jamiyat | 23:41 / 07.07.2025
-
Tramp 1 avgustdan Janubiy Koreya va Yaponiya tovarlariga 25 foizli bojlar joriy etilishini e’lon qildi
Jahon | 23:21 / 07.07.2025
-
Toshkentda bog‘da odamlardan pul yig‘ib kelgan yigitlar ushlandi, O‘zbekiston BRIKSning hamkor davlatiga aylandi - mahalliy dayjest
O‘zbekiston | 23:14 / 07.07.2025
Mavzuga oid

17:00 / 05.04.2025
“Yosh kitobxon” tanlovining 2024-2025 yilgi mavsumi g‘oliblari aniqlandi

18:19 / 13.02.2025
O‘zbekistonda kitob o‘qigan mahkumning jazo muddati qisqartirilishi mumkin

10:38 / 29.09.2024
«Barcha erishganlarimiz kitob ortidan» – kitob o‘qib Spark yutgan yosh oila

14:44 / 20.06.2024