Isroilga hujumlar tufayli bir qancha davlat tashqi ishlar vazirligi Eron elchilarini chaqirdi
Eron elchilariga mintaqada vaziyatning keskinlashuviga yo‘l qo‘yib bo‘lmasligi ma’lum qilingan.

Foto: Getty Images
Germaniya, Belgiya va boshqa mamlakatlar tashqi ishlar vazirliklari Eron elchilarini chaqirib, Tehronning Isroilga bergan zarbalarini qoralashini ma’lum qilishdi.
«Ushbu hujum misli ko‘rilmagan eskalatsiyaning davomidir (...) Biz uni keskin qoralaymiz», dedi Belgiya Tashqi ishlar vaziri Haja Labib.
Uning iltimosiga ko‘ra, Eronning Belgiyadagi elchisi chaqirilib, unga har qanday holatda ham mintaqadagi keskinlashuvning oldini olish kerakligi aytilgan.
Eron elchisi chaqirilganini Chexiya tashqi ishlar vaziri Yan Lipavskiy ham e’lon qildi. «Bugun men Eron elchisiga qo‘ng‘iroq qilishga qaror qildim. Chexiya diplomatiyasi Isroilga hujum qilish orqali barcha chegaralarni kesib o‘tganini Eronga ma’lum qildi», deb yozdi Lipavskiy.
O‘z navbatida, G‘arb matbuoti Germaniya tashqi ishlar vazirligi Eron elchisini Isroilga berilgan zarbalardan noroziligini bildirish uchun chaqirganini xabar qildi.
14 aprel kuni Eron elchilari Britaniya, Niderlandiya va Iordaniya tomonidan ham chaqirilgan. Britaniya departamenti Eronni nafaqat hujum uchun, balki Iordaniya va Iroq havo hududini buzganlikda ham qoralaganini ma’lum qilgan.
Bundan tashqari, Fransiya tashqi ishlar vaziri Stefan Sejurne 14 aprel kuni Tashqi ishlar vazirligidan Eron elchisini chaqirishni so‘ragan.
Shu bilan birga, 14 aprel kuni Eron Tashqi ishlar vazirligiga Buyuk Britaniya, Fransiya va Germaniya elchilari chaqirilgan. Ularga Eronning Isroilga javob zarbalari berish masalasi bo‘yicha o‘z davlatlarining «pozitsiyasi mas’uliyatsiz» ekani ma’lum qilingan.
14 aprelga o‘tar kechasi Eron Isroilga qarshi ko‘plab raketa va dronlar bilan zarba berdi. Isroil Mudofaa kuchlari xabariga ko‘ra, Eron tomonidan Isroilga bir kechada uchirilgan 300 ga yaqin havo nishonlarining qariyb 99 foizi Isroil havo mudofaasi tomonidan urib tushirilgan.
Tavsiya etamiz
Shveytsariyadagi qishloqqa ko‘chib kelgan sayyohlarga 24 ming dollardan pul to‘lanadi
Jahon | 01:36 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27 / 07.06.2025
So‘nggi yangiliklar
-
Karlovi Vari - Yevropaning asosiy sog‘lomlashtirish joyi
Jamiyat | 15:00 / 09.06.2025
-
SAG 25 yilligi munosabati bilan Abu-Dabida hamkorlari uchun biznes-tur tashkillashtirdi
O‘zbekiston | 11:00
-
Toshkentda buzilayotgan eski binoda yong‘in sodir bo‘ldi
Jamiyat | 10:53
-
Britaniyalik taniqli yozuvchi Frederik Forsayt vafot etdi
Jahon | 10:49
Mavzuga oid

17:45 / 09.06.2025
Erondagi 25 shaharda itlarni ko‘chada sayr qildirish taqiqlandi

13:24 / 09.06.2025
Isroil havo kuchlari Suriyaga hujum qildi

11:09 / 09.06.2025
Isroil G‘azoga ketayotgan va bortida Greta Tunberg bo‘lgan kemani qo‘lga oldi

09:19 / 09.06.2025