Rossiya Tergov qo‘mitasi «Krokus»dagi teraktdan so‘ng ikki mansabdorga ish ochdi
«Krokus»da yong‘in xavfsizligi uchun mas’ul shaxs va konsert zalining o‘t o‘chirish bo‘limi rahbariga nisbatan jinoiy ish qo‘zg‘atildi, deb yozadi TASS.

Foto: REUTERS
Rossiya Tergov qo‘mitasi Moskva yaqinidagi «Krokus Siti Xoll»da sodir etilgan terakt yuzasidan mas’uliyatsizlik moddasi bo‘yicha jinoiy ish qo‘zg‘atdi, deb xabar beradi TASS 7 aprel, yakshanba kuni huquq-tartibot idoralaridagi ismi oshkor etilmagan suhbatdoshiga tayanib.
Ishga ikki kishi jalb qilingan: yong‘in xavfsizligi uchun mas’ul shaxs va konsert zalining o‘t o‘chirish bo‘limi boshlig‘i. Ikkalasi ham yashash joyini tark etmaslik to‘g‘risida majburiyat xati yozib bergan. Ularning ismi tilga olinmagan. Ular aynan nimada ayblanayotgani ham xabar qilinmagan.
Agentlik suhbatdoshining aniqlik kiritishicha, ish «Krokus Siti Xoll»da yong‘in xavfsizligi talablari buzilishi ehtimoli bilan bog‘liq bo‘lib, bu terrorchilar konsert zaliga o‘t qo‘yganidan keyin vaziyatni yanada og‘irlashtirgan bo‘lishi mumkin.
«Krokus Siti Xoll»ga hujum
Moskva yaqinidagi Krasnogorskda «Krokus Siti Xoll» binosiga hujum 22 mart kuni kechqurun sodir bo‘ldi. Qurollangan odamlar binoga bostirib kirib, avtomatlardan o‘t ochgan, bir necha portlashlar eshitilgan va yong‘in boshlangan. So‘nggi ma’lumotlarga ko‘ra, terakt oqibatida 145 kishi halok bo‘lgan, yana 551 kishi jarohatlangan.
Aprel oyi boshida teraktda jabrlangan 11 kishi Tergov qo‘mitasiga qo‘shma ariza berib, konsert zali egalariga xavfsiz bo‘lmagan xizmatlar ko‘rsatgani uchun jinoiy ish qo‘zg‘atishni talab qilgani ma’lum bo‘ldi.
Jabrlanuvchilar xavfsizlik standartlariga rioya etilmaganini bildirmoqda
Da’vogarlarning ta’kidlashicha, «Krokus»da yong‘in boshlanganidan keyin bir necha soniya ichida sahna pardasi olov bilan qoplangan, bu, himoya tomoni fikriga ko‘ra, yong‘in xavfsizligi standartlari buzilganini ko‘rsatishi mumkin, chunki parda yong‘inga chidamli maxsus mato bilan qoplangan bo‘lishi kerak.
Bundan tashqari, hujjatda aytilishicha, «Krokus»ning «yong‘inga qarshi suv tizimi» va tutunni olib tashlash tizimi «nosoz bo‘lgan», aksariyat evakuatsiya eshiklari terakt va evakuatsiya vaqtida yopiq turgan.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Tramp Xitoy bilan savdo urushini hal etish bo‘yicha muzokaralar o‘tkazilishini ma’lum qildi
Jahon | 00:45
-
Buyuk Britaniyada 700 yil oldin amalga oshirilgan qotillik fosh etildi
Jahon | 00:21
-
Yaponiyaning Oyga uchirgan moduli qo‘nish vaqtida falokatga uchradi
Fan-texnika | 00:05
-
Oq uy senatni Rossiyaga qarshi «qaqshatkich» sanksiyalariga oid qonun loyihasini yumshatishga chaqirdi
Jahon | 23:33 / 06.06.2025
Mavzuga oid

12:20 / 02.06.2025
Rossiyada Bryansk va Kurskda ko‘priklar qulashi terakt deb tan olindi

11:00 / 27.05.2025
Liverpulda mashina odamlarga qarata haydalgani terakt deb hisoblanmayapti

10:40 / 05.05.2025
Braziliya politsiyasi Ledi Gaga konsertidagi teraktning oldini oldi

08:37 / 25.04.2025